పోతవరం పంచాయతీలో వీబీజీ రామ్ అవగాహన ర్యాలీ - పాల్గొన్న శ్రామికులు, తనిఖీ బృందం
డాక్టర్ బి.ఆర్ అంబేద్కర్ కోనసీమ జిల్లా- పి.గన్నవరం మేజర్ న్యూస్ :మండలంలో పోతవరం గ్రామ పంచాయతీలో వీబీజీ రామ్ పథకం సామాజిక తనిఖీపై అవగాహన ర్యాలీ ఘనంగా నిర్వహించారు. శుక్రవారం ఏపీఓ సిహెచ్. లక్ష్మీ నారాయణ ఆధ్వర్యంలో నిర్వహించిన ఈ ర్యాలీలో శ్రామికులు, వీబీజీ రామ్ జీ సిబ్బంది, సామాజిక తనిఖీ బృందం పాల్గొన్నారు.
ఈ సందర్భంగా ఏపీఓ మాట్లాడుతూ వీబీజీ రామ్ పథకం ఉద్దేశం, ఉపాధి అవకాశాలు, సామాజిక తనిఖీ ప్రాధాన్యత, ప్రజల భాగస్వామ్యం, పారదర్శకత మరియు జవాబుదారీతనం వంటి అంశాలపై ప్రతి ఒక్కరికీ అవగాహన ఉండాలి.ప్రతి చేతికి పని పనికి తగ్గ వేతనం అందించడమే ఈ పథకం ముఖ్య ఉద్దేశం అని అన్నారు.
సామాజిక తనిఖీ బృందం మాట్లాడుతూ వలసలెందుకు దండగ వీబీజీ రామ్ జీ ఉండగా, మన తనిఖీ - సామాజిక తనిఖీ, సామాజిక తనిఖీలో పాల్గొందాం..గ్రామాభివృద్ధికి తోడ్పడుదాం.. అనే నినాదాలతో ప్రజల్లో చైతన్యం తీసుకొస్తున్నాం అంటూ ర్యాలీ నిర్వహించారు.సామాజిక తనిఖీలో ప్రతి ఒక్కరూ భాగస్వాములు కావాలి" అని పిలుపునిచ్చారు.ఈ కార్యక్రమంలో డీఆర్పీలు పి.సత్యనారాయణ, కె.చిట్టిబాబు, ఎం.కిరణ్ కుమార్, కె.రామకృష్ణ, ఎం.మనోజ్ కుమార్ తదితరులు పాల్గొన్నారు.
