పిల్లల పట్ల తల్లిదండ్రులు అప్రమత్తంగా ఉండాలి.
గత సంఘటనలు పునరావృతం కాకుండా చూడాలి. డాక్టర్ గొట్టిపాటిలక్ష్మి.
సూర్య న్యూస్ దర్శి.
స్కూలుకు కాలేజీలకు దసరా సెలవులు ప్రకటించిన నేపథ్యంలో పిల్లల పట్ల తల్లిదండ్రులు అప్రమత్తంగా ఉండాలని నియోజకవర్గ టిడిపి ఇన్చార్జ్ డాక్టర్ గొట్టిపాటి లక్ష్మి కోరారు. చెరువులు కుంటలు ,కాలువలు వద్దకు పిల్లలను వెళ్ళనీయవద్దని తల్లిదండ్రులను డాక్టర్ లక్ష్మి కోరారు. ఈత సరదాతో ప్రాణాల మీదకు తీసుకొచ్చుకోవద్దని ఆమె సూచించారు. పిల్లలను మోటార్ వాహనాలకు దూరంగా ఉంచాలన్నారు. నియోజకవర్గంలో గతంలో జరిగిన సంఘటనలు పునరావృతం కాకుండా చూడాలని అధికారులను ఆమె కోరారు. చెరువుల వద్ద కుంటల వద్దకు పిల్లలు వెళ్లకుండా అధికారులు పర్యవేక్షించాలని ఆమె కోరారు. దీనిపైఅధికారులు ప్రజలకు అవగాహన కల్పించి పిల్లలను కుంటలు చెరువులు వద్దకు వెళ్ళనీయకుండా చర్యలు తీసుకోవాలన్నారు. ప్రశాంత వాతావరణంలో దేవీ శరన్నవరాత్రులను ప్రజల నిర్వహించుకోవాలని డాక్టర్ లక్ష్మి కోరారు.
