పలు గ్రామాల్లో అభివృద్ధి పనులకు శ్రీకారం చుట్టిన విప్ నాయకర్

నర్సాపురం రూరల్, మేజర్ న్యూస్:పల్లె పండుగ 3.0' కార్యక్రమంలో భాగంగా శనివారం  నియోజకవర్గంలో అభివృద్ధి పనులకురాష్ట్ర ప్రభుత్వ విప్,  బొమ్మిడి నాయకర్ భూమి పూజ, ప్రారంభోత్సవాలు చేశారు. నియోజకవర్గంలోని లిఖితపూడి, మొగల్తూరు, జగన్నాధపురం, పాతపాడు, కాళీపట్నం తూర్పు, ముత్యాలపల్లి, పేరుపాలెం సౌత్, పేరుపాలెం నార్త్, రామనపాలెం, పసలదీవి, వేములదీవి వెస్ట్, మర్రితిప్ప తదితర గ్రామాల్లో విస్తృతంగా పర్యటించి కోట్లాది రూపాయల అభివృద్ధి పనులకు శ్రీకారం చుట్టారు.ఇందులో భాగంగా, రవాణా సదుపాయాలను మెరుగుపరచడం, పాడి రైతుల సంక్షేమమే లక్ష్యంగాలక్షలాది రూపాయల నిధులతో నూతనంగా నిర్మించనున్న సీసీ రహదారులు, మినీ గోకులం షెడ్ల పనులకు పలు గ్రామాల్లో ఆయన శంకుస్థాపన చేశారు. స్థానికులు దహన సంస్కారాల సమయంలో పడుతున్న ఇబ్బందులకు శాశ్వత పరిష్కారం చూపుతూలిఖితపూడి, పాతపాడు, కాళీపట్నం తూర్పు, ముత్యాలపల్లి, పేరుపాలెం నార్త్, రామనపాలెం గ్రామాల్లో నూతనంగా నిర్మించిన స్మశానవాటికలను  బొమ్మిడి నాయకర్ ప్రారంభించారు. ప్రతి ఒక్కరికీ తుది వీడ్కోలు అత్యంత గౌరవప్రదంగా, ఎలాంటి ఆటంకాలు లేకుండా జరగాలన్న ఉద్దేశ్యంతోనే ఈ సున్నితమైన సమస్యపై ప్రత్యేక దృష్టి సారించి, ఈ స్మశానవాటికలను వేగవంతంగా పూర్తి చేసి ప్రజలకు అందుబాటులోకి తీసుకువచ్చారు. గ్రామాల్లో ప్రజల కనీస అవసరాలను గుర్తించి, ప్రతి గ్రామానికీ మెరుగైన మౌలిక సదుపాయాలు అందించడమే కూటమి ప్రభుత్వ ప్రథమ ప్రాధాన్యత అని ఈ సందర్భంగా ఆయన స్పష్టం చేశారు. ఈ కార్యక్రమంలో నియోజకవర్గ టీడీపీ ఇంచార్జి పొత్తూరి రామరాజు, జనసేన,టిడిపి, బిజెపి నాయకులు, కార్యకర్తలు  పాల్గొన్నారు

 రిపోర్టర్ ఇజ్రాయిల్ నరసాపురం పశ్చిమగోదావరి జిల్లా