ఓటు వేసేందుకు 12 రకాల గుర్తింపు కార్డుల్లో ఏదో ఒకటి తప్పనిసరి

విజయవాడ మేజర్ న్యూస్ : రాజ్యాంగం ప్రతి పౌరుడికి కల్పించిన అమూల్యమైన ఓటు హక్కును ప్రతి ఒక్కరూ సద్వినియోగం చేసుకోవాలని జిల్లా ఎన్నికల అధికారి, జిల్లా కలెక్టర్ డాక్టర్ జి. లక్ష్మీశ పిలుపునిచ్చారు. నవంబర్ 1వ తేదీన నిర్వహించనున్న పట్టణ స్థానిక సంస్థల ఎన్నికల్లో అర్హులైన ప్రతి ఓటరూ భాగస్వాములై తమ ఓటు హక్కును వినియోగించుకోవాలని కోరారు. ఉదయం 7 గంటల నుంచి సాయంత్రం 5 గంటల వరకు పోలింగ్ నిర్వహించనున్నట్లు తెలిపారు. ఓటరు జాబితాలో పేరున్న ప్రతి ఒక్కరూ నిర్ణీత సమయంలో తమకు కేటాయించిన పోలింగ్ కేంద్రానికి వెళ్లి ఓటు వేయాలని సూచించారు. ఓటర్లు ఎలాంటి ఇబ్బందులు లేకుండా ఓటు హక్కు వినియోగించుకునేందుకు అవసరమైన అన్ని ఏర్పాట్లు చేసినట్లు పేర్కొన్నారు. ఓటరు జాబితాలో పేరున్నవారు ఓటు వేసేందుకు వెళ్లేటప్పుడు ఎన్నికల సంఘం అనుమతించిన 12 రకాల ప్రత్యామ్నాయ గుర్తింపు కార్డుల్లో ఏదో ఒకటి తప్పనిసరిగా వెంట తీసుకెళ్లాలని స్పష్టం చేశారు. అవి ఆధార్ కార్డు, డ్రైవింగ్ లైసెన్స్, పాన్ కార్డు, పాస్‌పోర్టు, పోస్టాఫీసు పాస్‌బుక్, ఉపాధి హామీ పథకం వేతన జాబ్ కార్డు, ఆరోగ్య బీమా కార్డు, పింఛను పత్రం, ఉద్యోగ గుర్తింపు కార్డు, జాతీయ జనాభా పట్టిక (ఎన్‌పీఆర్‌), స్మార్ట్ కార్డు, ఎంపీ, ఎమ్మెల్యే, ఎమ్మెల్సీలకు జారీ చేసిన అధికారిక గుర్తింపు కార్డు, దివ్యాంగుల గుర్తింపు కార్డు అని కలెక్టర్ వివరించారు.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.