నెల్లూరు రూరల్ ఆర్టీడీ కాలనీలో మరో దారుణ హత్య

నెల్లూరు రూరల్ మేజర్ న్యూస్ :నెల్లూరు రూరల్ నియోజకవర్గ పరిధిలోని ఆర్టీడీ కాలనీలో మరో దారుణ హత్య కలకలం రేపింది. తరుణ్ (26) అనే ఆటో డ్రైవర్‌ను గుర్తుతెలియని ముగ్గురు యువకులు కత్తితో పొడిచి హత్య చేసినట్లు సమాచారం.ప్రాథమిక సమాచారం ప్రకారం చెన్నైకి చెందిన ముగ్గురు యువకులు ఈ హత్యకు పాల్పడినట్లు తెలుస్తోంది. ఆటో పార్కింగ్ విషయంలో తలెత్తిన వివాదమే హత్యకు కారణమై ఉండవచ్చని పోలీసులు అనుమానిస్తున్నారు.సంఘటనపై సమాచారం అందుకున్న  పోలీసులు ఘటనాస్థలికి చేరుకుని దర్యాప్తు చేపట్టారు. హత్యకు గల పూర్తి కారణాలు, నిందితుల వివరాలపై పోలీసులు విచారణ కొనసాగిస్తున్నారు.ఇప్పటికే వరుస హత్యలతో నెల్లూరు జిల్లా ప్రజలు తీవ్ర భయాందోళనలకు గురవుతున్నారు.ప్రజలకు భద్రత కల్పించేలా పోలీసులు కఠిన చర్యలు తీసుకోవాలని స్థానికులు కోరుతున్నారు.