నీటి మునిగిన రిజిస్టర్ కార్యాలయం

నీట మునిగిన ఉండి సబ్ రిజిస్ట్రార్ కార్యాలయం

ఉండి, మేజర్ న్యూస్:

  మూడు రోజులుగా కురుస్తున్న భారీ వర్షాలకు ఉండి సబ్‌ రిజిస్ట్రార్‌ కార్యాలయం నీట మునిగింది. కార్యాలయ ఆవరణలో వర్షపు నీరు భారీగా చేరడంతో సిబ్బంది, లక్ష్మీదారులు తీవ్ర ఇబ్బందులు  ఎదుర్కొన్నారు. దీంతో కార్యాలయ సిబ్బంది ఇంజిన్‌ సహాయంతో నీటిని బయటకు పంపించే ఏర్పాట్లు చేశారు. మరోవైపు తరచూ విద్యుత్‌ కోతలు చోటుచేసుకోవడంతో ఉండి ప్రాంతంలోని చిరు వ్యాపారులు తీవ్ర ఇబ్బందులకు గురయ్యారు. విద్యుత్‌ సరఫరాలో అంతరాయాల కారణంగా వ్యాపార కార్యకలాపాలకు ఆటంకం ఏర్పడిందని వ్యాపారులు ఆవేదన వ్యక్తం చేశారు. ఉండి ఆర్వోబి ప్రాంతంలో వర్షపు నీరు నిలిచిపోవడంతో వాహనదారులు తీవ్ర ఇబ్బందులకు గురయ్యారు దీంతో సంబంధిత అధికారులు నీటిని బయటకు మళ్లించే చర్యలు చేపట్టారు.

 ఉండి రిపోర్టర్