ఏపీలో కొత్త ఎక్సైజ్ పాలసీకి సన్నాహాలు.. 807 మద్యం దుకాణాలకు లాటరీ
అమరావతి: ఆంధ్రప్రదేశ్లో 2026–27 ఎక్సైజ్ పాలసీ అమలుకు రాష్ట్ర ప్రభుత్వం చర్యలు చేపట్టింది. ఇందులో భాగంగా మద్యం దుకాణాల కేటాయింపునకు లాటరీ నిర్వహించేందుకు ఏర్పాట్లు చేస్తోంది. రాష్ట్రవ్యాప్తంగా మొత్తం 3,736 మద్యం దుకాణాల్లో 2,929 దుకాణాల రెన్యూవల్ ప్రక్రియ పూర్తయింది.
ఇంకా కేటాయించాల్సిన 807 దుకాణాలకు లాటరీ నిర్వహించనున్నారు. ఇందులో 799 దుకాణాలు ఓపెన్ కేటగిరీలో, మరో 8 దుకాణాలు రిజర్వుడ్ కేటగిరీలో ఉన్నాయి.
ఈ మేరకు ప్రభుత్వం సెప్టెంబర్ 24న గెజిట్ నోటిఫికేషన్ విడుదల చేసింది. మద్యం దుకాణాల కోసం దరఖాస్తు చేసుకునే వారికి అక్టోబర్ 1 వరకు గడువు ఇచ్చింది. గడువు ముగిసిన అనంతరం అర్హత కలిగిన దరఖాస్తుదారుల నుంచి లాటరీ ద్వారా దుకాణాలను కేటాయించనున్నారు.
2026–27 ఎక్సైజ్ పాలసీలో భాగంగా మిగిలిన దుకాణాల కేటాయింపు ప్రక్రియను పూర్తి చేసి, కొత్త పాలసీ ప్రకారం మద్యం విక్రయాల నిర్వహణకు ప్రభుత్వం చర్యలు తీసుకుంటోంది.
