మున్సిపల్ ఎన్నికల్లో బ్రాహ్మణులకు ప్రాతినిధ్యం కల్పించాలి..:బ్రాహ్మణ పెద్దల సమావేశంలో ఏకగ్రీవ తీర్మానం..
అమలాపురం మేజర్ న్యూస్ మున్సిపల్ ఎన్నికల్లో బ్రాహ్మణులకు తగిన ప్రాతినిధ్యం కల్పించాలని బ్రాహ్మణ పెద్దలు ఏకగ్రీవంగా తీర్మానించారు. అమలాపురం పట్టణంలోని ఏఎస్ఎన్ కళాశాల ఎదురుగా ఉన్న రాజ్యలక్ష్మి అపార్ట్‌మెంట్‌లో ఆదివారం సాయంత్రం రాష్ట్ర బ్రాహ్మణ కార్పొరేషన్ డైరెక్టర్ ఆకెళ్ల నారాయణమూర్తి అధ్యక్షతన పట్టణానికి చెందిన బ్రాహ్మణ పెద్దలు సమావేశం నిర్వహించారు.*
ఈ సందర్భంగా పలువురు వక్తలు మాట్లాడుతూ, రాబోయే మున్సిపల్ ఎన్నికల్లో బ్రాహ్మణ సామాజిక వర్గానికి తగిన ప్రాతినిధ్యం కల్పించడం ద్వారా రాజకీయ, సామాజిక రంగాల్లో వ భాగస్వామ్యాన్ని పెంపొందించేందుకు అవకాశం కలుగుతుందని పేర్కొన్నారు. అమలాపురం మున్సిపాలిటీ పరిధిలో నలుగురు బ్రాహ్మణులకు కౌన్సిలర్ అభ్యర్థులుగా పోటీ చేసేందుకు అవకాశం కల్పించాలని కోరుతూ సమావేశంలో ఏకగ్రీవంగా తీర్మానం చేశారు. రాజకీయ పార్టీలు బ్రాహ్మణ పెద్దల అభ్యర్థనను సానుకూలంగా పరిగణించి, రాబోయే ఎన్నికల్లో తగిన ప్రాతినిధ్యం కల్పించాలని విజ్ఞప్తి చేశారు.
ఈ సమావేశంలో తెలుగుదేశం పార్టీ పార్లమెంటరీ అధికార ప్రతినిధి రాణి శ్రీనివాస శర్మ, కొత్తూరి శ్రీనివాస్, అడ్వకేట్ దుర్గాబాబి, కళా వెంకట్రావు, ఉప్రదిష్ట నాగాదిత్య, ఆత్కూరి శేషగిరి, చల్లా రామకృష్ణ తదితర బ్రాహ్మణ ప్రముఖులు, పెద్దలు పాల్గొన్నారు.*
