మొయిదలో 20 కుటుంబాలు టిడిపిలో చేరిక

నెల్లిమర్ల, సూర్య :  మండలంలోని మొయిద గ్రామంల వైసిపికి చెందిన 20 కుటుంబాల నాయకులు, కార్యకర్తలు, ఏపీ మార్క్‌ఫెడ్ చైర్మన్  నెల్లిమర్ల టీడీపీ ఇంచార్జ్ కర్రోతు బంగార్రాజు సమక్షంలో  తెలుగుదేశం పార్టీలో చేరారు. ముఖ్యమంత్రి నారా చంద్రబాబు నాయుడు అమలు చేస్తున్న అభివృద్ధి, సంక్షేమ పథకాలకు ఆకర్షితులై, బంగార్రాజు నాయకత్వంపై నమ్మకంతో వారు పార్టీలోకి వచ్చారు. ​కొత్తగా పార్టీలోకి వచ్చిన వారికి శ కర్రోతు బంగార్రాజు పార్టీ కండువాలు కప్పి సాదరంగా ఆహ్వానించారు.
పార్టీలో చేరిన ప్రతి ఒక్కరికీ సముచిత స్థానం కల్పిస్తామని, మొయిద గ్రామాన్ని అన్ని విధాల అభివృద్ధి చేయడానికి కృషి చేస్తామని ఆయన భరోసా ఇచ్చారు.
​ఈ కార్యక్రమంలో టీడీపీ సీనియర్ నాయకులు సువ్వాడ రవిశేఖర్, మండల పార్టీ అధ్యక్షులు కడగల ఆనందకుమార్, ఏఎంసీ ప్రతినిధి గేదెల రాజారావు, నగర పంచాయతీ అధ్యక్షులు లెంక అప్పలనాయుడు, టీడీపీ నాయకులు అట్టాడ శ్రీధర్, దంతులూరి అజయ్ బాబు  పాల్గొన్నారు.

రిపోర్టర్ : రాజారావు, నెల్లిమార్ల, విజయనగరం జిల్లా.