ఉద్యోగుల సంక్షేమానికి పెద్దపీట -టిటిడి ఈఓ ముద్దాడ రవిచంద్ర సేవలు అభినందనీయం : చీర్ల కిరణ్

ఎడ్యుకేషన్ స్టాఫ్ రిపోర్టర్ : టీటీడీ ఉద్యోగుల సంక్షేమానికి ప్రాధాన్యతనిస్తూ, ఎన్నో ఏళ్లుగా ఎదురుచూస్తున్న 13 మంది పోటు వర్కర్ సీనియర్లకు పోటు సూపర్‌వైజర్లుగా పదోన్నతులు, కుటుంబ పెద్దలను కోల్పోయి కష్టాల్లో ఉన్న 45 మందికి కారుణ్య నియామకాలు కల్పించడం అభినందనీయమని టీటీడీ ఎంప్లాయిస్ వెల్ఫేర్ అసోసియేషన్ అధ్యక్షుడు, ఏపీ సిపిఎస్ ఎంప్లాయిస్ అసోసియేషన్ రాష్ట్ర అసోసియేట్ అధ్యక్షుడు చీర్ల కిరణ్ పేర్కొన్నారు. ఈ సందర్భంగా ఆయన మాట్లాడుతూ ఉద్యోగుల సమస్యల పట్ల సానుకూలంగా స్పందిస్తూ వారి సంక్షేమానికి పెద్దపీట వేస్తున్న టీటీడీ ఈఓ ముద్దాడ రవిచంద్రకు ప్రత్యేక అభినందనలు, కృతజ్ఞతలు తెలిపారు. పదోన్నతులు ఉద్యోగుల్లో కొత్త ఉత్సాహాన్ని నింపుతాయని, శ్రీవారి ప్రసాదాల తయారీలో నాణ్యత, పరిశుభ్రత, పర్యవేక్షణ ప్రమాణాలు మరింత బలోపేతం అవుతాయని ఆశాభావం వ్యక్తం చేశారు. కారుణ్య నియామకాలు 45 కుటుంబాలకు ఆర్థిక భరోసా కల్పించి, వారి జీవితాల్లో కొత్త ఆశలు చిగురించాయన్నారు. పదోన్నతులు, కారుణ్య నియామకాలు పొందిన వారికి అభినందనలు తెలియజేశారు.ఈ ప్రక్రియలో సహకరించిన అదనపు ఈఓ సీహెచ్ వెంకయ్య చౌదరి, జేఈఓలు డా.ఎ. శరత్, ప్రభల గోపినాథ్, సీవీఎస్ఓ మురళీకృష్ణ, టీటీడీ పాలకమండలి సభ్యులకు అసోసియేషన్ తరఫున ధన్యవాదాలు తెలిపారు.  

సీఎం గౌడ్ తిరుపతి స్టాప్ రిపోర్టర్