*ఘనంగా పోసిన చెంచు రామారావు జన్మదిన వేడుకలు*

కలిదిండి, మేజర్ న్యూస్, రాష్ట్ర గౌడ సంఘం అధ్యక్షులు, వైసీపీ సీనియర్ నాయకులు పోసిన చెంచు రామారావు జన్మదిన వేడుకలు కలిదిండి మండలంలో బుధవారం ఘనంగా నిర్వహించారు. ఈ సందర్భంగా ఆయన పలు గ్రామాల్లో జరిగిన జన్మదిన వేడుకలు, ఆధ్యాత్మిక కార్యక్రమాల్లో పాల్గొని అభిమానులు, నాయకులు, కార్యకర్తల మధ్య సందడి చేశారు.ఉదయం కలిదిండి గ్రామంలోని తన స్వగృహంలో అభిమానులు, శ్రేయోభిలాషులకు అందుబాటులో ఉన్నారు. అనంతరం మధ్యాహ్నం కలిదిండి మండలం గురవాయిపాలెం పంచాయతీ పరిధిలోని మద్దావానిగూడెం గ్రామంలో పరిశుద్ధ సిలువ ప్రతిష్ఠ 32వ వార్షిక మహోత్సవ కార్యక్రమంలో పాల్గొన్నారు. కైకలూరు మండలం తామరకొల్లులో మదర్ థెరిసా వెల్ఫేర్ సొసైటీ ఆధ్వర్యంలో నిర్వహించిన జన్మదిన వేడుకల్లో పాల్గొన్నారు.సాయంత్రం కలిదిండి మండలం ఎస్‌ఆర్‌పీ అగ్రహారం గ్రామంలో నిర్వహించిన జన్మదిన వేడుకల్లో పాల్గొని, కలిదిండి మెయిన్ సెంటర్‌లో కేక్ కట్ చేసి అభిమానుల మధ్య జన్మదిన వేడుకలు జరుపుకున్నారు. అనంతరం కలిదిండి గ్రామంలోని బద్రిరాజు కాంప్లెక్స్ వెనుక ఏర్పాటు చేసిన సభా ప్రాంగణంలో గౌడ సంఘ నాయకులు, వైసీపీ నాయకులు, కార్యకర్తలు, అభిమానులు, శ్రేయోభిలాషులను కలుసుకున్నారు. పలువురు ఆయనకు జన్మదిన శుభాకాంక్షలు తెలియజేశారు.