telanagana
వేసవికి ముందే విద్యుత్‌ ఏర్పాట్లు పూర్తి చేయాలి
సూర్య పెద్దపల్లి ప్రతినిధి ;వచ్చే వేసవిలో విద్యుత్‌ డిమాండ్‌ పెరిగే అవకాశాన్ని దృష్టిలో ఉంచుకుని జిల్లాలో నిరంతర విద్యుత్‌ సరఫరాకు ముందస్తు కార్యాచరణ ప్రణాళిక సిద్ధం చేసుకోవాలని జిల్లా కలెక్టర్‌ కోయ శ్రీహర్ష విద్యుత్‌ శాఖ అధికారులను ఆదేశించారు.బుధవారం సమీకృత జిల్లా కలెక్టరేట్‌లో విద్యుత్‌ శాఖ పనితీరుపై నిర్వహించిన సమీక్ష సమావేశంలో ఆయన మాట్లాడుతూ అధిక డిమాండ్‌ ఉండే ప్రాంతాలను ముందుగానే గుర్తించి విద్యుత్‌ సరఫరా వ్యవస్థను పటిష్టం చేయాలన్నారు. ట్రాన్స్‌ఫార్మర్ల మరమ్మతులు, పాత వాటి స్థానంలో కొత్తవి ఏర్పాటు చేయడం, అవసరమైన విద్యుత్‌ పరికరాలు, సామగ్రిని అందుబాటులో ఉంచుకోవాలని సూచించారు.నూతన సబ్‌స్టేషన్ల నిర్మాణానికి అవసరమైన భూ కేటాయింపులు, పెండింగ్‌ భూ సమస్యలను త్వరితగతిన పరిష్కరించి పనులను వేగవంతం చేయాలని ఆదేశించారు. వేసవి ప్రారంభానికి ముందే అన్ని ఏర్పాట్లు పూర్తి చేసి ప్రజలకు అంతరాయం లేని విద్యుత్‌ సరఫరా అందించాలని స్పష్టం చేశారు. ఈ సమావేశంలో ఎస్‌ఈ గంగాధర్‌, సంబంధిత అధికారులు పాల్గొన్నారు.
