పాలకొల్లు వార్డుల హద్దులు ప్రజలకు అర్థమయ్యేలా ప్రకటించాలి. సీపీఎం జిల్లా కమిటీ సభ్యుడు ఏ. రవి.
పాలకొల్లు, మేజర్ న్యూస్ మున్సిపాలిటీ వార్డుల పునర్విభజనకు సంబంధించి విడుదల చేసిన ముసాయిదా జాబితాలో వార్డుల హద్దులు ప్రజలకు స్పష్టంగా అర్థమయ్యే విధంగా లేవని సీపీఎం జిల్లా కమిటీ సభ్యుడు ఏ. రవి అన్నారు. ఆర్‌ఎస్‌ నంబర్లు, టీఎస్‌ నంబర్లను హద్దులుగా పేర్కొనడం వల్ల ఏ వార్డు ఎక్కడ ఉందో ప్రజలకు తెలియడం లేదన్నారు. వార్డుల హద్దులను పేటలు, వీధుల పేర్లతో స్పష్టంగా పేర్కొంటూ సచివాలయాల వద్ద జాబితాలు ఏర్పాటు చేయాలని, టాంటాం ద్వారా ప్రజలకు సమాచారం అందించాలని కోరారు. ఈ మేరకు సీపీఎం పార్టీ ఆధ్వర్యంలో టౌన్‌ ప్లానింగ్‌ అధికారి వీరభద్రానికి వినతిపత్రం సమర్పించారు. ఈ కార్యక్రమంలో సీపీఎం మండల కన్వీనర్‌ బాతిరెడ్డి జార్జి, జిల్లా కమిటీ సభ్యుడు ఏ. రవి, పట్టణ కమిటీ నాయకులు చల్లా సోమేశ్వరరావు, యర్రా అజయ్, సత్తుం శెట్టి పురుషోత్తం, బాసిన శ్యామల, ఏకల రాము తదితరులు పాల్గొన్నారు.
