మేయర్ అభ్యర్థి రూప్ కుమార్ యాదవ్‌కు లక్ష ఓట్ల మెజారిటీ అందించండి

నెల్లూరు, మేజర్ న్యూస్ :  నెల్లూరు నగర కార్పొరేషన్ ఎన్నికల్లో కూటమి మేయర్ అభ్యర్థి రూప్ కుమార్ యాదవ్‌కు లక్ష ఓట్ల మెజారిటీ అందించాలని నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి పిలుపునిచ్చారు. నెల్లూరు టౌన్‌హాల్‌లో మేదర సంఘ నాయకులతో కలిసి నిర్వహించిన ఎన్నికల ప్రచార కార్యక్రమంలో ఆయన పాల్గొన్నారు.  ఈ సందర్భంగా కోటంరెడ్డి శ్రీధర్ రెడ్డి మాట్లాడుతూ, నగర కార్పొరేషన్ పరిధిలో పోటీ చేస్తున్న కూటమి కార్పొరేటర్ అభ్యర్థులకు కూడా అత్యధిక మెజారిటీతో విజయాన్ని అందించాలని ప్రజలను కోరారు. కూటమి అభ్యర్థులకు మద్దతుగా ఎన్నికల ప్రచారాన్ని విస్తృతంగా నిర్వహించాలని నాయకులు, కార్యకర్తలకు పిలుపునిచ్చారు.  ఈ కార్యక్రమంలో మేదర సంఘ నాయకులు, కూటమి నాయకులు, కార్యకర్తలు పాల్గొన్నారు.