కాలుష్య పరిశ్రమను మూసివేయండి...

కాలుష్య పరిశ్రమపై గ్రామస్తుల ఆగ్రహం....

ఓం శివశక్తి స్పాంజ్ ఐరన్ పరిశ్రమ ముందు బైఠాయింపు

ఫరూక్ నగర్ మండల పరిధిలోని  మొగిలిగిద్ద గ్రామ శివారులో ఉన్న ఓం శివశక్తి స్పాంజ్ ఐరన్ పరిశ్రమ నుండి అతిగా కాలుష్యం విడుదలవుతుందని, దీంతో తీవ్ర ఇబ్బందులకు గురవుతున్నామని, ప్రజల ప్రాణాలతో చెలగాటమాడుతున్న పరిశ్రమను వెంటనే బంద్ చేయాలని కందివనం గ్రామస్తులు పరిశ్రమ గేటు ముందు బైఠాయించారు. 

గత 20 ఏళ్లుగా పరిశ్రమ నుండి వచ్చే కాలుష్యంతో ఇబ్బందులు పడుతున్నామని ఆవేదన వ్యక్తం చేశారు. కాలుష్యకారక పరిశ్రమ అయిన దీనిని తరలించాలని కోర్టు ఉత్తర్వులు ఉన్నప్పటికీ అధికారులు పట్టించుకోవడం లేదంటూ ఆవేదన వ్యక్తం చేస్తూ నిరసన తెలుపుతున్నారు. పరిశ్రమ గేటు ముందు బైఠాయించిన కందివనం గ్రామస్తులు తమ ప్రాణాలు పోయినా సరే పోరాటం మాత్రం కొనసాగిస్తామని పరిశ్రమ ఎదుట టెంటు వేసి కూర్చున్నారు.

జవ్వాజి రాఘవేంధర్ గౌడ్ మేజర్ న్యూస్ షాద్ నగర్