మానవత్వం చాటుకున్న మానవత స్వచ్ఛంద సేవ సంస్థ సభ్యులు

పొన్నూరు మేజర్ న్యూస్ :-పొన్నూరు పట్టణంలో కురుస్తున్న భారీ వర్షాల నేపథ్యంలో స్థానిక నిడుబ్రోలు జడ్పీహెచ్ఎస్ కేంద్రంలో ఏర్పాటు చేసిన పునరావాస కేంద్రంలో తలదాచుకున్న ప్రజలకు మానవత స్వచ్ఛంద సేవా సంస్థ, పొన్నూరు శాఖ ఆధ్వర్యంలో  మంగళవారం  సహాయక చర్యలు చేపట్టారు.పునరావాస కేంద్రంలో ఉన్న సుమారు 200 మంది ప్రజలకు సంస్థ సభ్యులు టీ, బ్రెడ్ మరియు బిస్కెట్లను పంపిణీ చేశారు. ఆపద సమయంలో స్వచ్ఛంద సంస్థ ముందుకు వచ్చి అల్పాహారం అందించడం పట్ల  పట్టణ ప్రజలు హర్షం వ్యక్తం చేశారు.ఈ కార్యక్రమంలో మున్సిపల్ కమిషనర్  ముప్పాళ్ళ రమేష్ బాబు , తుఫాను ప్రత్యేక అధికారి, పశుసంవర్ధక శాఖ జాయింట్ డైరెక్టర్  సత్యనారాయణ , పొన్నూరు తహసిల్దార్  మహమ్మద్ జియా ఉల్ హుక్ , టౌన్ సర్కిల్ ఇన్స్పెక్టర్  కిషోర్ బాబు , మానవత స్వచ్ఛంద సేవా సంస్థ పొన్నూరు శాఖ ప్రెసిడెంట్ యారసాని వెంకటేశ్వర్లు, సెక్రటరీ బాలకృష్ణతో పాటు సభ్యులు కరిముల్లా, సుబ్రహ్మణ్యం, రామలింగేశ్వరరావు తదితరులు పాల్గొన్నారు.

 పొన్నూరు దినపత్రిక సూర్య రిపోర్టర్ :- శిలార్