ప్రతి నీటి బొట్టూ అమృతమే!* *జల సంరక్షణపై ఇంటింటా గ్రీన్‌ గ్రోవ్‌ విద్యార్థుల చైతన్యం*
*చౌటుప్పల్‌, మేజర్ న్యూస్:* నీటిని పొదుపు చేయాలి.. భవిష్యత్తు తరాలకు జలవనరులను అందించాలనే నినాదంతో గ్రీన్‌ గ్రోవ్‌ పాఠశాల విద్యార్థులు చౌటుప్పల్‌ పట్టణంలో అవగాహన ర్యాలీ నిర్వహించారు. పట్టణ పురవీధుల్లో పర్యటిస్తూ ఇంటింటికీ వెళ్లి నీటి ఆవశ్యకతను వివరించారు. ప్రతి నీటి బొట్టు విలువైనదని, వృథాను అరికట్టి అవసరమైనంత మాత్రమే వినియోగించుకోవాలని ప్రజలకు సూచించారు.రానున్న వేసవిలో నీటి ఎద్దడి తలెత్తకుండా ఇప్పటి నుంచే పొదుపు చర్యలు చేపట్టాలని పిలుపునిచ్చారు. ఇందులో భాగంగా చౌటుప్పల్‌ పోలీస్‌స్టేషన్‌ను సందర్శించి పోలీసు సిబ్బందికి సైతం నీటి సంరక్షణపై అవగాహన కల్పించారు. చిన్న వయసులోనే సామాజిక బాధ్యతను గుర్తించి విద్యార్థులు చేపట్టిన కార్యక్రమాన్ని పట్టణ ప్రజలు, పోలీసు అధికారులు అభినందించారు.కార్యక్రమంలో గ్రీన్‌ గ్రోవ్‌ విద్యాసంస్థల చైర్‌పర్సన్‌ బండి వీణ అనిల్‌రెడ్డి, డైరెక్టర్‌ సాదిపల్లి లక్ష్మి, ఉపాధ్యాయులు, విద్యార్థులు పాల్గొన్నారు.
