నకిరేకల్ పోలీస్ స్టేషన్‌లో సీజ్ చేసిన బైకులు మాయం? పోలీస్ శాఖలో కలకలం.. కానిస్టేబుల్ సైదులుపై తీవ్ర ఆరోపణలు!

 నల్గొండ జిల్లా నకిరేకల్ పోలీస్ స్టేషన్‌లో కేసుల సందర్భంగా సీజ్ చేసిన మోటార్ సైకిళ్లు మాయమైనట్లు ఆరోపణలు కలకలం రేపుతున్నాయి. కరోనా సమయంలో సీజ్ చేసిన బైకులను అప్పట్లో విధులు నిర్వహించిన కానిస్టేబుల్ సైదులు విక్రయించినట్లు ఆరోపణలు వినిపిస్తున్నాయి. ఈ వ్యవహారంలో ముగ్గురిని పోలీసులు విచారిస్తున్నట్లు, మూడు బైకులను స్వాధీనం చేసుకున్నట్లు సమాచారం. మరోవైపు స్టేషన్‌లో దీర్ఘకాలంగా విధులు నిర్వహిస్తున్న సిబ్బందిపైనా ప్రశ్నలు తలెత్తుతున్నాయి. సీజ్ చేసిన వాహనాల రికార్డులు, విడిభాగాల మార్పిడిపై సమగ్ర విచారణ జరిపి బాధ్యులపై చర్యలు తీసుకోవాలని ప్రజలు కోరుతున్నారు.