మైనర్లకు వాహనాలు ఇవ్వొద్దు.. ట్రాఫిక్ నిబంధనలు పాటించాలి

                   చంపాపేట్ సిగ్నల్ వద్ద సంతోష్‌నగర్ ట్రాఫిక్ పోలీసుల వాహన తనిఖీలు

హైదరాబాద్ మేజర్ న్యూస్ :: రోడ్డు ప్రమాదాల నివారణే లక్ష్యంగా చంపాపేట్ సిగ్నల్ వద్ద సంతోష్‌నగర్ ట్రాఫిక్ పోలీసుల ఆధ్వర్యంలో వాహన తనిఖీలు నిర్వహించారు.ఈ సందర్భంగా వాహనదారులకు ట్రాఫిక్ నిబంధనలు, రోడ్డు భద్రతపై అవగాహన కల్పించారు. ఎస్సై తిరుపతి ముఖ్యంగా తల్లిదండ్రులు మైనర్లకు వాహనాలు ఇవ్వకూడదని, చిన్న వయస్సులో వాహనాలు నడపడం వల్ల ప్రమాదాలు జరిగే అవకాశం ఉందని సూచించారు.ద్విచక్ర వాహనదారులు తప్పనిసరిగా హెల్మెట్ ధరించాలని, వాహనాలను వేగ నియంత్రణతో జాగ్రత్తగా నడపాలని పోలీసులు సూచించారు. డ్రైవింగ్ లైసెన్స్, ఆర్సీ, ఇన్సూరెన్స్ తదితర వాహన పత్రాలను ఎల్లప్పుడూ వెంట ఉంచుకోవాలని తెలిపారు. ట్రాఫిక్ నిబంధనలు ఉల్లంఘించే వారిపై చట్టప్రకారం చర్యలు తీసుకుంటామని హెచ్చరించారు...