మాజీ మేయర్ వసీంను మర్యాదపూర్వకంగా కలిసిన అనంతపురం మేయర్ రమేష్

అనంతపురం బ్యూరో మేజర్ న్యూస్ : అనంతపురం నగర పాలక సంస్థ మేయర్ రమేష్, మాజీ మేయర్ వసీంను మర్యాదపూర్వకంగా కలిశారు. నగరంలోని వసీం నివాసానికి వెళ్లిన మేయర్ రమేష్, ఆయనకు పుష్పగుచ్ఛం అందించి శాలువాతో సత్కరించారు.

​ఈ సందర్భంగా వారిద్దరూ కొద్దిసేపు ఆత్మీయంగా ముచ్చటించుకున్నారు. నగర అభివృద్ధి, పాలనాపరమైన అంశాలపై ఇరువురు నేతలు తమ అభిప్రాయాలను పంచుకున్నట్లు సమాచారం. సీనియర్ నాయకుడిగా వసీం గతంలో అందించిన సేవలను మేయర్ రమేష్ ఈ సందర్భంగా గుర్తుచేసుకున్నారు. ఈ భేటీలో పలువురు స్థానిక నేతలు, కార్యకర్తలు పాల్గొన్నారు.

రిపోర్టర్ : మొయినుద్దీన్ అనంతపురం బ్యూరో మేజర్ న్యూస్