కంభం మండలంలో రూ.5 కోట్లతో రోడ్ల అభివృద్ధికి శ్రీకారం. ప్రజల చిరకాల రహదారి సమస్యల పరిష్కారానికి ఎమ్మెల్యే ముత్తుముల అశోక్ రెడ్డి ప్రత్యేక చొరవ.

 ప్రజల అవసరాలకు ప్రాధాన్యతనిస్తూ, వారి విజ్ఞప్తుల మేరకు రహదారి సమస్యల పరిష్కారానికి కృషి చేస్తున్న గిద్దలూరు ఎమ్మెల్యే ముత్తుముల అశోక్ రెడ్డి, పల్లె పండుగ–3.0లో భాగంగా కంభం మండలంలో సుమారు రూ.5 కోట్ల వ్యయంతో చేపట్టనున్న సీసీ రోడ్లు, తారు రోడ్ల నిర్మాణ పనులకు శంకుస్థాపన చేసి, భూమిపూజ నిర్వహించారు. ఈ అభివృద్ధి పనుల్లో భాగంగా జంగంగుంట్ల గ్రామంతో పాటు కంభం పట్టణంలోని రైల్వే స్టేషన్ నుంచి అర్బన్ కాలనీ వరకు, హజరత్ గూడెం నుంచి అంకాలమ్మ గుడి వరకు అంతర్గత సీసీ రోడ్లు, కందులాపురం నుంచి రావిపాడు వరకు, హజరత్ గూడెం నుంచి రావిపాటి హైవే వరకు తారు రోడ్ల నిర్మాణ పనులను ప్రారంభించారు.

ఎన్నో ఏళ్లుగా ఎదురుచూస్తున్న రహదారి సమస్యలకు పరిష్కారం.

స్థానిక ప్రజల అవసరాలను గుర్తించి, రహదారి సమస్యల పరిష్కారానికి పనులు ప్రారంభించడంతో గ్రామస్తులు, మహిళలు హర్షం వ్యక్తం చేశారు. ఈ సందర్భంగా ఎమ్మెల్యే ముత్తుముల అశోక్ రెడ్డి గారిని శాలువాలు, పూలమాలలతో ఘనంగా సత్కరించి కృతజ్ఞతలు తెలిపారు. గ్రామీణ ప్రాంతాల్లో రహదారి సౌకర్యాలను మెరుగుపరచి, ప్రజలకు రవాణా ఇబ్బందులు తగ్గించడం, మౌలిక వసతులను అభివృద్ధి చేయడం లక్ష్యంగా ఈ పనులు చేపడుతున్నట్లు ఎమ్మెల్యే తెలిపారు. ఈ కార్యక్రమంలో కంభం మండల ప్రముఖులు, కూటమి నాయకులు, కార్యకర్తలు, అభిమానులు తదితరులు పాల్గొన్నారు.