జనసేనలో జంగాల శివరాంకి కీలక బాధ్యతలు

- - స్థానిక ఎన్నికల నియోజకవర్గం సమన్వయకర్తగా ఎంపిక

మదనపల్లె,మేజర్ న్యూస్ : జనసేన సీనియర్ నాయకులు,వ్యవసాయ మార్కెట్ కమిటీ చైర్మన్ జంగాల శివరాంకి పార్టీ అధిష్టానం కీలక బాధ్యతలు అప్పగించింది.అన్నమయ్య జిల్లా,మదనపల్లి నియోజకవర్గం స్థానిక సంస్థల ఎన్నికల కమిటీలో నియోజకవర్గం సమన్వయకర్తగా ఆయనకు చోటు కల్పించింది.ఈ సందర్భంగా జంగాల శివరాం మాట్లాడుతూ జనసేన పార్టీ అధ్యక్షులు తనకు ఈ బాధ్యతలు అప్పగించిన ఆంధ్రప్రదేశ్ ఉప ముఖ్యమంత్రి పవన్ కళ్యాణ్ హృదయపూర్వక ధన్యవాదాలు,కృతజ్ఞతలు తెలియజేస్తున్నానన్నారు.అప్పగించిన ఈ బాధ్యతను గౌరవంగా స్వీకరిస్తూ,స్థానిక ఎన్నికలలో పార్టీ తరపున  పోటీచేస్తున్న వారి గెలుపు కోసం శక్తి వంచన లేకుండా పనిచేసి గెలిపించుకొని జనసేన పార్టీ బలోపేతానికి,ప్రజాసేవకు నా వంతు కృషిచేస్తానని ఆయన స్పష్టం చేశారు.ఈ నేపథ్యంలో జంగాల శివరాం రాయల్ కి పలువురు జనసేన నాయకులు,కార్యకర్తలు శుభాకాంక్షలు తెలిపారు. 

రిపోర్టర్ : కె. ఈశ్వర్ రెడ్డి, మదనపల్లి నియోజకవర్గం ఇంచార్జి