andhrapradesh
జనసేన మాడుగుల నియోజకవర్గ సమన్వయకర్త బాధ్యతలకు రాజీనామా
రాయపు రెడ్డి కృష్ణ
మేజర్ న్యూస్
మాడుగుల: జనసేన పార్టీ మాడుగుల నియోజకవర్గ సమన్వయకర్తగా కొనసాగుతున్న రాయపురెడ్డి కృష్ణ తన బాధ్యతలకు రాజీనామా చేస్తున్నట్లు పార్టీ అధినేత, ఉప ముఖ్యమంత్రి పవన్ కళ్యాణ్‌కు లేఖ ద్వారా తెలియజేశారు.
పార్టీ అధిష్ఠానం ఇటీవల తనకు మాడుగుల నియోజకవర్గ సమన్వయకర్త (POC) బాధ్యతలు అప్పగించిందని, అయితే కొన్ని అనివార్య కారణాల వల్ల ఆ బాధ్యతలను కొనసాగించలేక రాజీనామా నిర్ణయం తీసుకున్నట్లు లేఖలో పేర్కొన్నారు. ఇప్పటివరకు తనకు అప్పగించిన బాధ్యతలను సమర్థవంతంగా నిర్వహించానని, పార్టీ కోసం చేసిన సేవలను గుర్తించాలని కోరారు.
పార్టీ పట్ల తనకు ఎలాంటి అసంతృప్తి లేదని, జనసేన పార్టీ తరఫున నాయకత్వ సేవలు, కార్యకర్తల సహకారం ఎప్పటికీ ఉంటాయని ఆయన స్పష్టం చేశారు.
