జనసేన బలోపేతానికి కృషి చేయాలి

మెలియాపుట్టి. మెలియాపుట్టి మండలంలోని చీపురుపల్లి గ్రామంలో జనసేన నాయకులు, జనసైనికులు ఆదివారం ఆత్మీయ కలయిక సమావేశం నిర్వహించారు. పార్టీ అధినేత, ఆంధ్రప్రదేశ్‌ ఉపముఖ్యమంత్రి పవన్‌ కళ్యాణ్‌ ఆశయాలకు అనుగుణంగా యువత సామాజిక మార్పు కోసం ముందుకు రావాలని నాయకులు పిలుపునిచ్చారు.మేము సైతం నినాదంతో సామాజిక మార్పు కోసం కృషి చేస్తున్న గిరిజన యువతను సీనియర్‌ నాయకులు సవర రామూర్తి, నియోజకవర్గ స్థానిక ఎన్నికల సపోర్ట్‌ టీమ్‌ సభ్యుడు లక్ష్మిపురం కిరణ్‌కుమార్‌ అభినందించారు. రానున్న స్థానిక సంస్థల ఎన్నికల్లో పార్టీ బలోపేతానికి ప్రతి కార్యకర్త అంకితభావంతో పనిచేయాలని సూచించారు.
ఈ సమావేశంలో బేరి తిరుపతి, సవర కుమార్‌, దొర విజయ్‌, బర్రు అప్పారావు రాజు, భాస్కర్‌, రాంప్రసాద్‌తో పాటు జనసేన నాయకులు, జనసైనికులు పాల్గొన్నారు.