జైలులో ఉండి వైకాపా జెడ్పీటీసీ విజయం సాధించారు

జెడ్పీటీసీ ఎన్నికల్లో ఆసక్తికర పరిణామం చోటుచేసుకుంది. హత్యాయత్నం కేసులో ప్రస్తుతం జైలులో ఉన్న వైసీపీ అభ్యర్థి కామిరెడ్డి సత్యనారాయణరెడ్డి పెళ్లకూరు జెడ్పీటీసీగా 1,719 ఓట్ల మెజారిటీతో విజయం సాధించారు. భర్త జైలులో ఉండటంతో ఆయన తరఫున భార్య ఎన్నికల ప్రచారం నిర్వహించారు. అయినప్పటికీ ఓటర్లు ఆయనకు పట్టం కట్టారు. ఈ విజయంపై వైసీపీ స్పందిస్తూ.. జైలు గోడలు మనిషిని బంధించగలవేమో కానీ, ప్రజల అభిమానాన్ని బంధించలేవంటూ సామాజిక మాధ్యమంలో పేర్కొంది.