గ్యాస్ సిలిండర్ గుర్తుకు ఓటేయండి.. అభివృద్ధికి అవకాశం ఇవ్వండి!
గ్యాస్ సిలిండర్ గుర్తుకు ఓటేయండి.. అభివృద్ధికి అవకాశం ఇవ్వండి!
8, 9వ వార్డుల్లో స్వతంత్ర చైర్మన్ అభ్యర్థి డి. నజీర్ ప్రచారం
ఎమ్మిగనూరు సూర్య ప్రతినిధి..ఎమ్మిగనూరు పట్టణంలోని 8, 9వ వార్డుల్లో మున్సిపల్ చైర్మన్ స్వతంత్ర అభ్యర్థి, మాజీ మున్సిపల్ వైస్ చైర్మన్ డి. నజీర్ అహ్మద్ విస్తృతంగా ఎన్నికల ప్రచారం నిర్వహించారు. బడే ఆద్మీ పార్టీ తరఫున గ్యాస్ సిలిండర్ గుర్తుపై పోటీ చేస్తున్న ఆయన వార్డుల్లోని వివిధ ప్రాంతాల్లో పర్యటిస్తూ ప్రజలు, వ్యాపారులు, యువతను కలుసుకున్నారు. వారి సమస్యలను అడిగి తెలుసుకుంటూ, ప్రజలతో మమేకమై ప్రచారం సాగించారు.ఈ సందర్భంగా స్థానికులు తమ ప్రాంతాల్లో నెలకొన్న సమస్యలను నజీర్ అహ్మద్ దృష్టికి తీసుకువచ్చారు. స్పందించిన ఆయన పారిశుధ్యం, తాగునీటి సరఫరా, రహదారులు, వీధి దీపాలు, డ్రైనేజీ వంటి మౌలిక సదుపాయాల మెరుగుదలకు కృషి చేస్తానని తెలిపారు.మాజీ మున్సిపల్ వైస్ చైర్మన్‌గా తనకు ఉన్న అనుభవాన్ని ప్రజా సమస్యల పరిష్కారానికి వినియోగిస్తానని పేర్కొన్నారు. ఎన్నికల హామీలకే పరిమితం కాకుండా ప్రజలకు ఎల్లప్పుడూ అందుబాటులో ఉంటూ, వారి సమస్యలను సంబంధిత అధికారుల దృష్టికి తీసుకెళ్లి పరిష్కారానికి కృషి చేస్తానని అన్నారు.పట్టణ అభివృద్ధిలో ప్రతి వార్డుకు సముచిత ప్రాధాన్యత కల్పిస్తూ, ప్రజల అభిప్రాయాలకు విలువనివ్వడమే తన లక్ష్యమని నజీర్ అహ్మద్ స్పష్టం చేశారు. 8, 9వ వార్డుల అభివృద్ధి కోసం తనకు మద్దతు తెలిపి, గ్యాస్ సిలిండర్ గుర్తుకు ఓటు వేసి గెలిపించాలని ఆయన ప్రజలను కోరారు.
రాజా శరత్ కుమార్ సూర్యా ప్రతినిధి ఎమ్మిగనూరు కర్నూలు జిల్లా
