గుండెపోటుతో యువకుడు మృతి -- కుటుంబాన్ని పరామర్శించిన ఎమ్మెల్యే చిర్రి బాలరాజు, గడ్డ మణుగు రవికుమార్

జీలుగుమిల్లి, మేజర్ న్యూస్:స్నేహితులతో కలిసి నవ్వుతూ మాట్లాడుతున్న  యువకుడు గుండెపోటు రావడంతో పది నిమిషాల్లోనే అందరి కళ్ళెదుటే మృతి చెందడం స్నేహితులు ను కుటుంబ సభ్యులను గ్రామస్తుల్లో నూ తీవ్ర విషాదాన్ని నింపింది. జీలుగుమిల్లి కి చెందిన గౌడ కుల పెద్ద ఉలవల ముత్యం కుమారుడు ఉలవల రామకృష్ణ (40) శుక్రవారం రాత్రి గుండెపోటుతో ఆకస్మికంగా మృతి చెందాడు. విషయం తెలిసిన  పోలవరం ఎమ్మెల్యే చిర్రి బాలరాజు, గ్రామానికి చెందిన గ్రామ పెద్ద, జనసేన జిల్లా కార్యదర్శి గడ్డ మణుగు రవికుమార్  దిగ్బ్రాంతి గురై విచారం వ్యక్తం చేశారు.  హుటాహుటిన వెళ్లి వారికి అండగా ఉన్నారు అలాగే శనివారం జీలుగుమిల్లిలోని మృతుడు ఉలవల రామకృష్ణ నివాసానికి చేరుకున్న వారు మృతదేహాన్ని సందర్శించి నివాళులర్పించి అంత్యక్రియలో పాల్గొన్నారు. అనంతరం కుటుంబ సభ్యులను పరామర్శించి, వారికి ధైర్యం చెప్పారు. బాధిత కుటుంబానికి అండగా ఉంటామని, కూటమి ప్రభుత్వం ఎల్లప్పుడూ ఆ కుటుంబానికి తోడుగా ఉంటుందని  భరోసా ఇచ్చారు.

వీరితోపాటు చిర్రి కృష్ణయ్య, మండల అధ్యక్షుడు పసుపులేటి రాము, రూపా సత్యనారాయణ, కూరం వెంకటేష్, రాయి సుబ్బారావు, చిర్రి వెంకటేశ్వరరావు, ఉలవల శివ తదితరులు పాల్గొన్నారు.

 రిపోర్టర్ బొంతు రామకృష్ణ జీలుగుమిల్లి ఏలూరు జిల్లా