గుడిపాడులో గంగమ్మ తల్లికి పంచలోహ ఉత్సవ విగ్రహం వితరణ 40 కిలోల విగ్రహాన్ని అందజేసిన తుమ్మల గంగా ప్రతాపరెడ్డి కుటుంబ సభ్యులు

దువ్వూరు, మేజర్ న్యూస్: కడప జిల్లా దువ్వూరు మండలం గుడిపాడు గ్రామంలో గంగమ్మ తల్లికి తుమ్మల గంగా ప్రతాపరెడ్డి, దుర్గాదేవి దంపతుల కుటుంబ సభ్యులు 40 కిలోల పంచలోహ ఉత్సవ విగ్రహాన్ని వితరణ చేశారు. శనివారం రాత్రి గ్రామస్తులతో కలిసి విగ్రహాన్ని అంగరంగ వైభవంగా ఊరేగింపుగా ఆలయానికి తీసుకువచ్చారు. ఆదివారం వేద పండితుల మంత్రోచ్ఛారణల మధ్య ప్రత్యేక పూజలు, చండీయాగం నిర్వహించారు. అనంతరం ఉత్సవ విగ్రహాన్ని ఆలయంలో నిలిపి ప్రత్యేక పూజలు చేశారు. ఈ కార్యక్రమంలో కుమారులు వినోద్ కుమార్ రెడ్డి, విజయ భాస్కర్ రెడ్డి, కోడళ్లు మల్లేశ్వరి, సౌజన్య లక్ష్మి, కుమార్తె అనురాధ, అల్లుడు చిదంబేశ్వర్ రెడ్డి పాల్గొన్నారు. గ్రామ పండుగల సందర్భంగా అమ్మవారి గ్రామోత్సవాలకు ఈ విగ్రహాన్ని వినియోగించనున్నట్లు వేద పండితులు తెలిపారు. విగ్రహాన్ని అందజేసిన ప్రతాపరెడ్డి కుటుంబ సభ్యులను గ్రామస్తులు అభినందించారు.

రిపోర్టర్ : జగన్మోహన్ రెడ్డి, దువ్వూరు, కడప జిల్లా.