గ్రంధాలయ వారోత్సవాలు ప్రారంభం

ఆత్మకూరు, మేజర్ న్యూస్ :  ఆత్మకూరు శాఖా గ్రంథాలయంలో 59వ జాతీయ గ్రంథాలయ వారోత్సవాలు శనివారం ప్రారంభమైనవి. ఈ కార్యక్రమానికి ముఖ్య అతిథులుగా స్టూడెంట్స్ మోటివేటర్ వెలిశెట్టి నారాయణరావు , విశ్రాంత గ్రేడ్-2 గ్రంథ బాండాగారి ఏ.గోవిందరెడ్డి  మరియు మేథా హై స్కూల్ కరస్పాండెంట్ టి. సి.వి.సుబ్బయ్య  విచ్చేసి  సరస్వతి దేవి చిత్రపటానికి పూలమాలవేసి జ్యోతి ప్రజ్వలనతో వారోత్సవ కార్యక్రమాలను ప్రారంభించారు. అనంతరం బాలల దినోత్సవాన్ని పురస్కరించుకొని మన దేశానికి తొలి ప్రధానమంత్రిగా వారు చేసిన సేవలను కొనియాడుతూ నెహ్రూ చిత్రపటానికి పూలమాలవేసి ఘనంగా నివాళులర్పించడం జరిగింది. అనంతరం ఇన్చార్జి లైబ్రేరియన్ ఓ. శ్రీనివాసరాజు మాట్లాడుతూ ఈ వారోత్సవాలు 20వ తేదీ వరకు నిర్వహించబడతాయని పాఠశాల విద్యార్థులకు వివిధ రకాల పోటీలు నిర్వహించి ముగింపు సమావేశంలో ముఖ్య అతిథులు చేతుల మీదుగా బహుమతులు అందజేయబడతాయని తెలియజేశారు. తదుపరి వక్తలు తమ ఉపన్యాసంలో గ్రంథాలయాల ఉపయోగాన్ని గురించి పుస్తక పఠన ప్రయోజనాలను గురించి వివరిస్తూ మంచి పుస్తకం ఒక మంచి మిత్రునితో సమానమని తెలియజేశారు.అనంతరం పిల్లలకు చాక్లెట్స్, బిస్కెట్స్ పంపిణీ చేయడం జరిగింది. ఈ కార్యక్రమంలో గ్రంథాలయ పాఠకులు విద్యార్థిని విద్యార్థులు పాల్గొని జయప్రదం చేశారు.