ఘనంగా ప్రారంభమైన 33వ విశ్వ దుర్గేశ్వరిఅమ్మవారి దసరా ఉత్సవాలు

తాడేపల్లిగూడెం, మేజర్ న్యూస్; తెలుగుదేశం పార్టీ రాష్ట్ర ఆర్గనైజింగ్ సెక్రటరీ, తాడేపల్లిగూడెం పట్టణ మాజీ మున్సిపల్ వైస్ చైర్మన్ గొర్రెల శ్రీధర్ ఆధ్వర్యంలో తాడేపల్లిగూడెం పట్టణంలో17వ వార్డు, విశ్వ దుర్గేశ్వరి పేటలో శ్రీ విశ్వ దుర్గేశ్వరి అమ్మవారి ఆలయం నందు 33వ వార్షికోత్సవం దసరా మహోత్సవాలను అంగరంగ వైభవంగా ప్రారంభించారు. మొదటిరోజు శ్రీ విశ్వ దుర్గేశ్వరి అమ్మవారిని బాలా త్రిపుర సుందరి దేవిగా తీర్చిదిద్దారు. అమ్మవారి ఆలయాన్ని ఎంతో సుందరంగా పూలవనంలా అలంకరించి వచ్చిన భక్తులందరికీ అమ్మవార దేదీప్యమానం గా కనులు విందు చేసే విధంగా అమ్మవారు దర్శనమిస్తున్నారు. ఇంత చక్కగా భక్తులు దర్శించుకునే విధంగా ఆలయ కమిటీ సభ్యులు ఆలయం మొత్తాన్ని, గర్భగుడిని, ఉత్సవ విగ్రహం మండపాన్ని, ఎంతో అందంగా ఆహ్లాదకరంగా తీర్చిదిద్దారు. బేతిరెడ్డి ఉదయ వెంకట భాస్కరరెడ్డి శ్రీమతి శ్రీదేవి దంపతులు పీటలపై కూర్చుని ప్రత్యేక పూజ కార్యక్రమాలు, హోమాలు నిర్వహించారు. ఈ కార్యక్రమంలో మహిళా భక్తులు, భవానీలు పెద్ద సంఖ్యలో పాల్గొని కుంకుమ పూజలు, ప్రత్యేక పూజా కార్యక్రమాలు, హోమాలు నిర్వహించారు.

 రిపోర్టర్ శ్రీనివాస్ తాడేపల్లిగూడెం పశ్చిమగోదావరి జిల్లా