గజపతినగరంలో ఐరన్ కింద పడి వ్యక్తి మృతి
గజపతినగరం, సూర్య: గజపతినగరం మండలంలో ఈరోజు ఉదయం జరిగిన రోడ్డు ప్రమాదంలో ఒక వ్యక్తి మృతి చెందాడు. గజపతినగరం నుంచి NGR పురం లో జగనన్న కోలనీ లోకి ఐరన్ లోడుతో వెళుతున్న తొట్టి ఆటో డ్రైవర్ వేగంగా, అజాగ్రత్తగా నడపడం వలన తొట్టి ఆటో బోల్తా పడింది ఈ క్రమంలో తొట్టి ఆటోపై కూర్చున్న గెద్ద శ్రీనివాసరావు అనే వ్యక్తిపై ఐరన్ పడటంతో తలకు తీవ్ర గాయమై అక్కడికక్కడే మృతి చెందినట్లు తెలుస్తోంది.ఈ ఘటన సుమారు ఉదయం 10:30 గంటల సమయంలో జరిగింది. సమాచారం అందుకున్న పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేపట్టారు.మృతుడి కుటుంబంలో విషాద ఛాయలు అలుముకున్నాయి.