andhrapradesh
అభివృద్ధికి పట్టం కట్టండి.. పట్టణ ప్రగతికి భాగస్వామ్యంగా నిలవండి... ఎమ్మెల్యే " కోండ్రు "
- జనసేన చైర్మన్ అభ్యర్థి సౌజన్యలతతో పాటు 32 వార్డుల కూటమి అభ్యర్థులను ఆశీర్వదించండి
రాజాం, సూర్య: రాజాం పట్టణ అభివృద్ధికి కూటమి ప్రభుత్వం ప్రత్యేక ప్రాధాన్యతనిస్తోందని మాజీ మంత్రి,రాజాం నియోజకవర్గం ఎమ్మెల్యే కోండ్రు మురళీమోహన్ అన్నారు.సోమవారం బొబ్బిలి జంక్షన్ నుంచి పాత బస్టాండ్ జంక్షన్ మీదుగా నామినేషన్ కేంద్రం వరకు సాగిన ఈ ర్యాలీలో ఎమ్మెల్యే స్వయంగా పాల్గొని జనసేన చైర్మన్ అభ్యర్థి సౌజన్యలతతో పాటు కూటమి కౌన్సిలర్ అభ్యర్థులను వెంట తీసుకుని నామినేషన్ కేంద్రం వరకు ర్యాలీ చేపట్టారు.ఈ సందర్భంగా ఎమ్మెల్యే మాట్లాడుతూ ఇప్పటికే సుమారు రూ.100 కోట్లతో పట్టణంలో అభివృద్ధి కార్యక్రమాలు చేపట్టామని ఎమ్మెల్యే తెలిపారు.అభివృద్ధి కోసం అడుగులు వేసిన కూటమికి మున్సిపల్ ఎన్నికల్లో అఖండ విజయాన్ని అందించాలని ప్రజలను కోరారు.ప్రజలు అభ్యర్థులను ఆశీర్వదించి అభివృద్ధికి భాగస్వామ్యం కావాలని కోరారు.ఈ కార్యక్రమంలో తూర్పు కాపు కార్పొరేషన్ చైర్మన్ పాలవలస యశస్విని,పొగిరి సురేష్ బాబు, కూటమి నాయకులు,కార్యకర్తలు,చైర్మన్,కౌన్సిలర్ అభ్యర్థులు,అభిమానులు పెద్ద సంఖ్యలో పాల్గొన్నారు.