ఎంపీ మిథున్ రెడ్డిని కలిసిన వైసీపీ యువనేత హర్షవర్ధన్ రెడ్డి

మదనపల్లె : త్వరలో జరుగనున్న మున్సిపల్ ఎన్నికలకు సంబంధించి స్థానిక వైఎస్సార్ కాంగ్రెస్ పార్టీ నాయకులతో రాజంపేట పార్లమెంట్ సభ్యులు పెద్దిరెడ్డి మిథున్ రెడ్డి పట్టణంలోని పుంగనూరు రోడ్డులోని ఎంపీ కార్యాలయంలో సోమవారం భేటీ అయ్యారు.ఇందులో భాగంగా ఎన్నికల నేపథ్యంలో పార్టీ బలోపేతం,స్థానిక రాజకీయ పరిస్థితులు తదితర అంశాలపై నాయకులతో చర్చించారు.ఈ నేపథ్యంలో మదనపల్లె నియోజకవర్గం వైసీపీ యువజన విభాగం అధ్యక్షులు హర్షవర్ధన్ రెడ్డి (హర్ష) ఎంపీ మిథున్ రెడ్డిని మర్యాదపూర్వకంగా కలిశారు.ముందుగా హర్షను ఎంపీ ఎంతో ఆప్యాయంగా పలకరించారు.త్వరలో జరుగబోవు స్థానిక సంస్థల ఎన్నికల్లో పార్టీ యువజన విభాగం కీలక పాత్ర పోషించాలని ఎంపీ సూచించారు.కూటమి ప్రభుత్వ వైఫల్యాలను ప్రజలకు వివరించాలని,వారి వ్యతిరేక విధానాలపై చేయాలని దిశానిర్దేశం చేశారు.అనంత్రం హర్షవర్ధన్ రెడ్డి ఎంపీ సూచనలు,సలహాలు పాటించి త్వరలో జరుగబోవు స్థానిక సంస్థలు ఎన్నికల్లో విజయమే లక్ష్యంగా ముందుకు సాగుతామని ఆయన స్పష్టంగా చేశారు.హర్షతోపాటు కిషోర్ కుమార్ రెడ్డి,మహేంద్ర,కౌశిక్ రాజు రెడ్డి,పూర్ణ,దీపు,కళ్యాణ్,ప్రసాద్,అంబులెన్స్ మహి,సిద్ధగణేష్ తదితరులు ఎంపీని కలిసిన వారిలో ఉన్నారు.