డ్రగ్స్ నిర్మూలన, రోడ్డు భద్రతపై దిశానిర్దేశం.

అద్దంకి పట్టణ శివారులోని రాజీవ్ కాలనీలో  పోలీసుల ఆధ్వర్యంలో మత్తు పదార్థాల నిర్మూలన, రోడ్డు భద్రతా నిబంధనలపై ప్రజలకు, యువతకు అవగాహన సదస్సు నిర్వహించారు. డ్రగ్స్, గంజాయి వంటి మత్తు పదార్థాలు జీవితాలను, కుటుంబాలను నాశనం చేస్తాయని సీఐ సుబ్బరాజు హెచ్చరించారు. మత్తుకు బానిసైతే జీవితానికి ఫుల్ స్టాప్ పడుతుందని, మత్తును వీడి జీవితంలో నిలదొక్కుకోవాలని పిలుపునిచ్చారు. ద్విచక్ర వాహనదారులు తప్పనిసరిగా హెల్మెట్ ధరించాలని సూచించారు. త్రిపుల్ రైడింగ్, అతివేగం ప్రమాదకరమని, వాహనాలు నడిపేటప్పుడు జాగ్రత్తలు పాటించాలని తెలిపారు.