దగదర్తి మండలాన్ని 'అభివృద్ధికి అడ్డాగా' మారుస్తాం: ఎమ్మెల్యే కావ్య కృష్ణారెడ్డి
దగదర్తి, వెలుపోడు, మేజర్ న్యూస్ : దగదర్తి మండలం, వెలుపోడు గ్రామంలో నిర్వహించిన జెడ్పీటీసీ, ఎంపీటీసీ ఎన్నికల ప్రచారంలో కావలి శాసనసభ్యులు కావ్య కృష్ణారెడ్డి ముఖ్య అతిథిగా పాల్గొన్నారు. ఈ సందర్భంగా నిర్వహించిన ప్రచార సభలో స్థానిక నాయకులు, కార్యకర్తలు, గ్రామస్తులు ఎంతో ఉత్సాహంగా, భారీ సంఖ్యలో పాల్గొన్నారు. ఈ సందర్భంగా ఎమ్మెల్యే కావ్య కృష్ణారెడ్డి మాట్లాడుతూ... జెడ్పీటీసీ అభ్యర్థిగా పోటీ చేస్తున్న మాందా శీనయ్యను, ఎంపీటీసీ అభ్యర్థిగా పోటీ చేస్తున్న మద్దెల పద్మను సైకిల్ గుర్తుపై ఓటు వేసి భారీ మెజార్టీతో గెలిపించాలని గ్రామ ప్రజలను కోరారు.వెలుపోడు ఎంపీటీసీ పరిధిలోని ప్రతీ ఒక్క సమస్యను గుర్తించి, వాటిని త్వరితగతిన తీర్చే బాధ్యత తమదని స్పష్టం చేశారు.
రైతులకు భూ హక్కులు : వెలుపోడు పంచాయతీ పరిధిలో అనేక సంవత్సరాలుగా భూమి హక్కులు లేక ఇబ్బందులు పడుతున్న రైతులకు త్వరలోనే భూ హక్కులను కల్పిస్తామని, ప్రభుత్వం ప్రతి ఒక్క రైతుకూ ఎల్లప్పుడూ అండగా ఉంటుందని హామీ ఇచ్చారు.
అభివృద్ధికి అడ్డాగా దగదర్తి : రాష్ట్ర ముఖ్యమంత్రి నారా చంద్రబాబు నాయుడు ఆశీస్సులతో నియోజకవర్గంలో అభివృద్ధి పనులు వేగవంతంగా జరుగుతున్నాయని, రాబోయే రోజుల్లో దగదర్తి మండలాన్ని 'అభివృద్ధికి అడ్డాగా' నిలుపుతామని ధీమా వ్యక్తం చేశారు.
ఈ కార్యక్రమంలో స్థానిక ప్రజాప్రతినిధులు, తెలుగుదేశం పార్టీ నాయకులు, ముఖ్య కార్యకర్తలు మరియు ప్రజలు పెద్ద సంఖ్యలో పాల్గొన్నారు.
