చేజర్లలో వైసీపీకి భారీ షాక్‌- టీడీపీలోకి భారీ చేరికలు
ఆత్మకూరు, మేజర్ న్యూస్ : ఆత్మకూరు పట్టణంతో పాటు నియోజకవర్గంలోని చేజర్ల మండలం మాజీ మండల అధ్యక్షుడు తోమాటి విజయభాస్కర్ రెడ్డి కుమారుడు వంశీకృష్ణ ఆధ్వర్యంలో సుమారు 60 కుటుంబాలు ఆత్మకూరు పట్టణంలో 50 కుటుంబాల టిడిపిలో చేరిక స్థానిక రాజకీయాలలో చర్చనీయాం సంఘ మారింది.మంత్రి ఆనం రామనారాయణ రెడ్డి సమక్షంలో కొత్తగా పార్టీలో చేరిన నాయకులకు, కార్యకర్తలకు పసుపు కండవాలు కప్పి మంత్రి సాదరంగా ఆహ్వానించారు. ఈ సందర్భంగా మంత్రి ఆనం మాట్లాడుతూ ప్రజలకు మేలు చేసే ప్రభుత్వంపై విశ్వాసంతోనే నాయకుల కార్యకర్తలు ఎన్డీఏ కూటమిలో చేరుతున్నారని రానున్న ఎన్నికల్లో ఈ ఐక్యత కూటమి విజయానికి మరింత బలాన్ని చేకూరు వస్తుందని ఆశాభావం వ్యక్తం చేశారు. దాడులకు తావులేకుండా ఎన్నికలు ప్రశాంతంగా జరగాలని మంత్రి ఆనం ఆకాంక్షించారు.
ప్రజాస్వామ్యంలో ప్రజలే అంతిమ నిర్ణేతలని, రాజకీయ పార్టీలన్నీ రాజ్యాంగ విలువలను గౌరవించాలని సూచించారు. ఆత్మకూరు నియోజకవర్గంలో ఎన్నికలు ప్రశాంతంగా నిర్వహించేందుకు అవసరమైన సమన్వయంతో ముందుకు సాగుతున్నామని తెలిపారు. ఎన్డీఏ కూటమి నాయకులు, కార్యకర్తలు సంయమనంతో వ్యవహరిస్తూ, ఇంటింటికీ వెళ్లి ప్రభుత్వ అభివృద్ధి, సంక్షేమ కార్యక్రమాలను ప్రజలకు వివరించాలని పిలుపునిచ్చారు.
