చట్టాలు, సైబర్ నేరాలపై ప్రజలకు అవగాహన

పామర్రు మేజర్ న్యూస్ : జిల్లా ఎస్పీ వి. విద్యాసాగర్ నాయుడు ఆదేశాల మేరకు పామర్రు పోలీస్ స్టేషన్ పరిధిలోని రాపర్ల గ్రామంలో పామర్రు ఎస్‌ఐ ప్రజలకు అవగాహన కార్యక్రమం నిర్వహించారు. ఈ సందర్భంగా మహిళలు, బాలికల రక్షణకు సంబంధించిన పోక్సో చట్టం, గంజాయి వినియోగం వల్ల కలిగే అనర్థాలు, మైనర్లు వాహనాలు నడపడం వల్ల ఎదురయ్యే ప్రమాదాలు, బాల్యవివాహాల నిర్మూలన, సైబర్ నేరాలు, ఆన్‌లైన్ మోసాల నివారణపై వివరించారు. సైబర్ నేరాలకు గురైనప్పుడు 1930 సహాయ నంబరును సంప్రదించాలని సూచించారు. రహదారి భద్రత, రవాణా నిబంధనలు, ఎన్నికల ప్రవర్తనా నియమావళి, స్థానిక సంస్థల ఎన్నికల నిబంధనలు, అత్యవసర పోలీసు సహాయం కోసం 112 సేవలను వినియోగించుకునే విధానంపై అవగాహన కల్పించారు. ప్రజలు చట్టాలపై అవగాహన కలిగి ఉండటంతో పాటు పోలీసులకు సహకరిస్తూ సమాజంలో శాంతిభద్రతల పరిరక్షణకు తోడ్పడాలని ఎస్‌ఐ సూచించారు.

స్టాఫ్ రిపోర్టర్: ✍️ ప్రేమ్ రాజ్, పామర్రు నియోజకవర్గం, కృష్ణాజిల్లా.