బ్రాహ్మణపల్లె, తిప్పాయపల్లెలో టీడీపీ ప్రచారం
బ్రాహ్మణపల్లె, తిప్పాయపల్లెలో టీడీపీ ప్రచారం
ఓర్వకల్లు మేజర్ న్యూస్:
ఓర్వకల్లు మండల పరిధిలోని బ్రాహ్మణపల్లె, తిప్పాయపల్లె గ్రామాల్లో టీడీపీ ఎంపీటీసీ అభ్యర్థి దుగ్గపూటి లక్ష్మి, జడ్పిటిసి అభ్యర్థి చేట్ల దానమ్మ,మండల అధ్యక్షుడు దుగ్గపూటి నాగిరెడ్డి స్థానిక సంస్థల ఎన్నికల ప్రచారం నిర్వహించారు. ఈ సందర్భంగా కూటమి అభ్యర్థులైన ఎంపీటీసీ అభ్యర్థి దుగ్గపూటి లక్ష్మి, జడ్పీటీసీ అభ్యర్థి చేట్ల దానమ్మలకు సైకిల్ గుర్తుపై ఓటు వేసి మెజార్టీతో గెలిపించాలని ప్రజలను కోరారు.
కూటమి ప్రభుత్వం అధికారంలోకి వచ్చిన తర్వాత గ్రామాల రూపురేఖలు మారాయని, చేపట్టిన అభివృద్ధి పనులను ప్రజలు గమనించి స్థానిక సంస్థల ఎన్నికల్లో కూటమి అభ్యర్థులకు పట్టం కట్టాలని నాయకులు విజ్ఞప్తి చేశారు.
ఈ కార్యక్రమంలో బ్రాహ్మణపల్లె, తిప్పాయపల్లె గ్రామాల టీడీపీ నాయకులు, కార్యకర్తలు తదితరులు పాల్గొన్నారు.
