బొమ్మన రవీంద్రనాథ్ రెడ్డి నామినేషన్ దాఖలు
వెల్దుర్తి, మేజర్ న్యూస్: వెల్దుర్తి గ్రామపంచాయతీ ఎన్నికల నేపథ్యంలో వైఎస్ఆర్ కాంగ్రెస్ పార్టీ మద్దతుదారుడు బొమ్మన రవీంద్రనాథ్ రెడ్డి నామినేషన్ దాఖలు చేశారు. ఈ కార్యక్రమానికి పత్తికొండ మాజీ ఎమ్మెల్యే కంగాటి శ్రీదేవమ్మ ముఖ్య అతిథిగా హాజరయ్యారు.కార్యకర్తలు, అభిమానులు మరియు గ్రామస్థులతో కలిసి తప్పెట్లు, డప్పు వాయిద్యాల నడుమ ర్యాలీగా గ్రామపంచాయతీ కార్యాలయానికి చేరుకున్న రవీంద్రనాథ్ రెడ్డి, అక్కడ ఎన్నికల అధికారులకు తన నామినేషన్ పత్రాలను సమర్పించారు. ఈ కార్యక్రమంలో వెల్దుర్తి పట్టణ వైఎస్ఆర్ పార్టీ నాయకులు, కార్యకర్తలు పాల్గొని అభ్యర్థికి తమ మద్దతును తెలిపినట్లు పార్టీ వర్గాలు పేర్కొన్నాయి.