బిన్ బ్యాగ్లతో చెత్త విభజనకు శ్రీకారం ఇంటింటా పారిశుధ్యంపై అవగాహన వల్లూరు డిప్యూటీ ఎంపీడీఓ రమేష్..
బిన్ బ్యాగ్లతో చెత్త విభజనకు శ్రీకారం
ఇంటింటా పారిశుధ్యంపై అవగాహన
వల్లూరు డిప్యూటీ ఎంపీడీఓ రమేష్..
వల్లూరు మేజర్ న్యూస్
మండల పరిధిలోని దిగువపల్లి గ్రామపంచాయతీ మైసూరారెడ్డి కాలనీలో బిన్ బ్యాగ్ల వినియోగం, చెత్త విభజన, పారిశుధ్య నిర్వహణపై అధికారులు ఇంటింటా అవగాహన కార్యక్రమం నిర్వహించారు. ఈ సందర్భంగా పంచాయతీ కార్యదర్శితో కలిసి వల్లూరు డిప్యూటీ ఎంపీడీఓ రమేష్ ప్రతి ఇంటికీ వెళ్లి తడి చెత్త, పొడి చెత్తను వేర్వేరుగా గుర్తించి సక్రమంగా విభజించే విధానంపై ప్రజలకు వివరించారు. ఇంటి వద్దే చెత్తను తడి, పొడిగా వేరు చేసి బిన్ బ్యాగ్లలో ఉంచి, పారిశుధ్య సిబ్బందికి అందించడం వల్ల పరిసరాల పరిశుభ్రతతో పాటు చెత్త నిర్వహణ సులభతరం అవుతుందని తెలిపారు. గ్రామాన్ని పరిశుభ్రంగా, ఆరోగ్యవంతంగా ఉంచేందుకు ప్రతి కుటుంబం తమ ఇంటి నుంచే చెత్త విభజనను పాటించి, బిన్ బ్యాగ్లను సక్రమంగా వినియోగించాలని సూచించారు. ప్రజల సహకారంతోనే గ్రామంలో మెరుగైన పారిశుధ్యాన్ని సాధించగలమని పేర్కొన్నారు. ఈ కార్యక్రమంలో మహిళా పోలీసు, పారిశుధ్య సిబ్బంది తదితరులు పాల్గొన్నారు..
