andhrapradesh
బీసీలకు 34 శాతం రిజర్వేషన్‌.. టీడీపీ నిబద్ధత
పామూరు, మేజర్ న్యూస్ :
బీసీలకు రాజకీయ ప్రాధాన్యత కల్పించేందుకు టిడిపి కూటమి ప్రభుత్వం కట్టుబడి ఉందని కనిగిరి ఎమ్మెల్యే డాక్టర్ ముక్కు ఉగ్ర నరసింహారెడ్డి పేర్కొన్నారు. బీసీలకు 34 శాతం రిజర్వేషన్‌ కల్పించాలనే లక్ష్యంతో టీడీపీ ప్రభుత్వం నిబద్ధతతో ముందుకు సాగుతోందని తెలిపారు. ఈ సందర్భంగా బీసీ నాయకులతో సమావేశం నిర్వహించి, బీసీల రాజకీయ, సామాజిక అభ్యున్నతికి ప్రభుత్వం తీసుకుంటున్న చర్యలపై చర్చించారు. అనంతరం ‘బీసీల ఆత్మగౌరవానికి అండగా చంద్రన్న’ అంటూ బీసీ నాయకులు, టీడీపీ శ్రేణులు ముఖ్యమంత్రి నారా చంద్రబాబు నాయుడు చిత్రపటానికి పాలాభిషేకం చేశారు. కార్యక్రమంలో బీసీ నాయకులు, టీడీపీ నాయకులు, కార్యకర్తలు పాల్గొన్నారు.
