బాలల విద్య.. మహిళల హక్కులపై అవగాహన ర్యాలీ

కనిగిరి ,మేజర్ న్యూస్ :

సుప్రీంకోర్టు, హైకోర్టు మార్గదర్శకాలు జిల్లా న్యాయ సేవాధికార సంస్థ ఆదేశాల మేరకు కనిగిరి మండల న్యాయ సేవాధికార సంస్థ ఆధ్వర్యంలో  బాలల విద్య,లింగ సమానత్వం,వరకట్న వేధింపుల నివారణ,మహిళా సాధికారతపై ప్రజల్లో అవగాహన కల్పించేందుకు కనిగిరిలో గురువారం మండల న్యాయ సేవాధికార సంస్థ చైర్మన్, జడ్జి బి. రూపశ్రీ నేతృత్వంలో కనిగిరి కోర్టు నుంచి పామూరు బస్టాండ్ వరకు అవగాహన ర్యాలీ నిర్వహించారు.ఈ సందర్భంగా జడ్జి బి. రూపశ్రీ మాట్లాడుతూ బాలబాలికలకు సమానంగా విద్య,అవకాశాలు కల్పించడంతో పాటు మహిళల హక్కులను ప్రతి ఒక్కరూ గౌరవించాలని అన్నారు.వరకట్న వేధింపులు, మహిళలపై హింసకు వ్యతిరేకంగా సమాజం సమిష్టిగా పోరాడాలని పిలుపునిచ్చారు.చట్టపరమైన సమస్యలు ఎదురైన వారికి న్యాయ సేవాధికార సంస్థ ద్వారా ఉచిత న్యాయ సహాయం అందుబాటులో ఉంటుందని తెలిపారు.కార్యక్రమంలో బార్ అసోసియేషన్ సభ్యులు,న్యాయవాదుల గుమస్తాలు,విద్యాశాఖ,ఐసీడీఎస్ అధికారులు,పోలీసు సిబ్బంది,అంగన్వాడీ టీచర్లు,పారా లీగల్ వాలంటీర్లు,గుడ్ హెల్ప్ ఫౌండేషన్ ప్రతినిధులు,కోర్టు సిబ్బంది,న్యాయ సేవాధికార సంస్థ సిబ్బంది తదితరులు పాల్గొన్నారు.