కరెంటు కోతలతో ఎండిపోతున్న పంటలు

రైతుల సమస్యలను ప్రభుత్వ దృష్టికి తీసుకెళ్తాం: జైపాల్ యాదవ్

కడ్తాల్: 

కల్వకుర్తి నియోజకవర్గంలోని ముద్విన్ గ్రామంలో విద్యుత్ కోతల కారణంగా ఎండిపోతున్న వరి పంటలను మాజీ ఎమ్మెల్యే, కల్వకుర్తి బీఆర్‌ఎస్ పార్టీ ఇన్‌చార్జ్ జైపాల్ యాదవ్ గురువారం పరిశీలించారు. అనంతరం రైతులతో మాట్లాడి పంటల పరిస్థితి, విద్యుత్ సరఫరాలో ఎదురవుతున్న ఇబ్బందులను అడిగి తెలుసుకున్నారు.

ఈ సందర్భంగా రైతులు మాట్లాడుతూ విద్యుత్ సరఫరాలో తరచూ అంతరాయం ఏర్పడటంతో పంటలకు సకాలంలో సాగునీరు అందడం లేదని ఆవేదన వ్యక్తం చేశారు. ఎంతో కష్టపడి సాగు చేసిన వరి పంట కళ్ల ముందే ఎండిపోతుండటంతో తీవ్రంగా నష్టపోతున్నామని తెలిపారు.రైతుల సమస్యలను విన్న జైపాల్ యాదవ్ మాట్లాడుతూ.. విద్యుత్ కోతలు, పంట నష్టానికి సంబంధించిన సమస్యలను ప్రభుత్వం దృష్టికి తీసుకెళ్లి పరిష్కారం కోసం పోరాడుతామని హామీ ఇచ్చారు. రైతులకు న్యాయం జరిగే వరకు వారి పక్షాన నిలబడి ప్రభుత్వంపై ఒత్తిడి తీసుకొస్తామని తెలిపారు.పంటలు ఎండిపోతున్న పరిస్థితుల్లో ప్రభుత్వం వెంటనే స్పందించి రైతులకు నిరంతర విద్యుత్ సరఫరా అందించాలని, పంట నష్టపోయిన రైతులను ఆదుకోవాలని జైపాల్ యాదవ్ డిమాండ్ చేశారు.