విద్యుత్తు సమస్యలు పరిష్కరించి సీసీ ద్వారా పత్తి కొనుగోలు చేయాలని ఎమ్మెల్యే కు వినతి

పడకల్, లింగరావుపల్లి, రామకృష్ణపురం, దేవునిపడకల్, పెద్దూర్ తండా, వెంకటాపూర్ తండా  గ్రామపంచాయతీలకు సంబంధించిన పడకల్ విద్యుత్తు ఉప కేంద్రానికి ఆల్వాల్ 132 కేవీ విద్యుత్తు కేంద్రం నుంచి సరఫరా అవుతుందని, లోడు ఎక్కువ కావడంతో తరచుగా ట్రిఫ్ అవుతుందని దీంతో సక్రమంగా విద్యుత్తు సరఫరా కావడం లేదని తలకొండపల్లి సింగిల్ విండో చైర్మన్ గట్ల కేశవరెడ్డి ఎమ్మెల్యే కసిరెడ్డి నారాయణ రెడ్డికి విన్నవించారు. చేతికొచ్చిన వరి పంటలు ఎండు తున్నాయని, రైతులు ఆందోళన చెందుతున్నారని తెలిపారు. పడకల్ సబ్ స్టేషన్ కు ఆల్వాల్ నుంచి వచ్చే ఫిడర్ కు లోడు తగ్గించాలని కోరారు. నాణ్యమైన విద్యుత్తు సరఫరా చేయాలని ఎమ్మెల్యేని కోరారు. అదేవిధంగా సీసీఐ నుంచి పత్తి కొనుగోళ్ల ను ప్రారంభించాలని మొదట పత్తి తీస్తున్న రైతులు దసరా ఖర్చుల కోసం సీసీఐ లేకపోవడంతో తక్కువ ధరలకు అమ్ముకుంటున్నారని వివరించారు. సీసీఐ కొనుగోలును త్వరగా ప్రారంభించాలని ఎమ్మెల్యేకు కేశవ రెడ్డి వినతిపత్రం అందజేశారు. ఈ కార్యక్రమంలో బ్లాక్ కాంగ్రెస్ అధ్యక్షులు యాట నర్సింహా ముదిరాజ్, గూడూరు శ్రీనివాస్ రెడ్డి, కాకి కృష్ణ తదితరులు పాల్గొన్నారు.

- చప్పిడి తిరుపతి, మేజర్ న్యూస్: తలకొండపల్లి.