బాలాజీ ఫార్మసీ కళాశాలలో కృత్రిమ మేధస్సుపై జాతీయ సదస్సు

అనంతపురం విద్య మేజర్ న్యూస్:-అనంతపురం రుద్రంపేట బైపాస్‌లోని బాలాజీ ఫార్మసీ కళాశాలలో ఆరోగ్య సంరక్షణ, రోగి భద్రత, వ్యాధుల నియంత్రణలో కృత్రిమ మేధస్సు వినియోగంపై జాతీయ సదస్సు నిర్వహించారు.
ముఖ్య అతిథిగా హాజరైన జేఎన్‌టీయూ అకడమిక్ అండ్ ప్లానింగ్ డైరెక్టర్ ఆచార్య సత్యనారాయణ మాట్లాడుతూ.. ఔషధ రంగంలో కృత్రిమ మేధస్సును వినియోగించి నూతన ఆవిష్కరణలు చేపట్టాలని సూచించారు. బెంగళూరు ఎంఎస్ రామయ్య యూనివర్సిటీ ఆచార్యులు డా. సరస్వతి వ్యాధుల గుర్తింపు, నివారణలో ఏఐ వినియోగంపై వివరించారు. హైదరాబాద్ సీసీఎంబీ బయోసైన్సెస్ వ్యవస్థాపకులు డా. దినేష్ క్యాన్సర్ గుర్తింపు, నివారణలో ఏఐ పాత్రను వివరించారు.
కళాశాల ఛైర్మన్ డా. పల్లె వెంకట కృష్ణ కిశోర్, ప్రిన్సిపాల్ డా. ప్రదీప్ కుమార్ విద్యార్థులు పరిశోధనల్లో ఏఐ అవకాశాలను అందిపుచ్చుకోవాలని ఆకాంక్షించారు.
ఈ సదస్సుకు వివిధ ఫార్మసీ కళాశాలల నుంచి సుమారు 140 మంది విద్యార్థులు హాజరై మౌఖిక, పోస్టర్ ప్రదర్శనల్లో పాల్గొన్నారు. విజేతలకు బహుమతులు అందజేశారు. కార్యక్రమంలో వైస్ ప్రిన్సిపాల్ డా. రాజవర్ధన్, కోఆర్డినేటర్ డా. గీతవాణి, అధ్యాపకులు పాల్గొన్నారు.

 మల్లికార్జున నేటి దినపత్రిక సూర్య స్టాప్ రిపోర్టర్..