andhrapradesh
అవనిగడ్డ రెడ్ క్రాస్ ను అభినందించిన ఎమ్మెల్యే
అవనిగడ్డ రెడ్‌క్రాస్ ను అభినందించిన ఎమ్మెల్యే మండలి
అవనిగడ్డ,మేజర్ న్యూస్: స్వచ్ఛ ఆంధ్ర–స్వర్ణ ఆంధ్ర–2026లో కృష్ణా జిల్లా స్థాయి అవార్డు అందుకున్న ఇండియన్ రెడ్‌క్రాస్ సొసైటీ అవనిగడ్డ ఉపశాఖ సభ్యులను ఎమ్మెల్యే మండలి బుద్ధప్రసాద్ అభినందించి సత్కరించారు. శనివారం స్థానిక ఎమ్మెల్యే కార్యాలయంలో జరిగిన కార్యక్రమంలో రెడ్‌క్రాస్ సభ్యుల సేవలను ప్రశంసించారు.
రెడ్‌క్రాస్ అవనిగడ్డ శాఖ చైర్మన్ గుడివాక శేషుబాబు ఆధ్వర్యంలో సభ్యులు గుర్రపు చెరువు అభివృద్ధితో పాటు గ్రామాభివృద్ధికి చేస్తున్న సేవలు అభినందనీయమని బుద్ధప్రసాద్ అన్నారు. జిల్లాలో అవనిగడ్డ రెడ్‌క్రాస్ శాఖ సేవలకు గుర్తింపు లభించడం సంతోషకరమని పేర్కొన్నారు. ఇదే స్ఫూర్తితో సేవా కార్యక్రమాలను కొనసాగించాలని కోరారు. అవనిగడ్డలోని ఏకైక పార్కు తంగిరాల వీరారాఘవయ్య పార్కును అభివృద్ధి చేసి, బృందావనంలా తీర్చిదిద్దేందుకు సభ్యులు సహకరించాలని సూచించారు.
రెడ్‌క్రాస్ కార్యాలయానికి స్థలం కేటాయించాలని సభ్యులు కోరగా, ఎమ్మెల్యే సానుకూలంగా స్పందించారు. స్థలం కేటాయించేలా చర్యలు తీసుకోవాలని తహసీల్దారుకు సిఫార్సు చేశారు.
ఈ కార్యక్రమంలో రెడ్‌క్రాస్ ఉపశాఖ వైస్ చైర్మన్ గరికిపాటి హరిప్రసాద్, కోశాధికారి అల్లంశెట్టి వెంకటేశ్వరరావు, సభ్యులు తుంగల వెంకటగిరి, ఆది రామమోహనరావు, కోడూరు శ్రీనివాసరావు, కొమ్మినేని ఉమామహేశ్వరరావు పాల్గొన్నారు. అజంతా శ్రీనివాస్, అవనిగడ్డ, కృష్ణాజిల్లా.
