అప్పు డబ్బులు తిరిగి ఇవ్వాలని అడిగినందుకు తండ్రీకొడుకులపై దాడి.. ఇద్దరికీ తీవ్ర గాయాలు

బల్లికురవ మేజర్ న్యూస్ 

అప్పుగా ఇచ్చిన డబ్బులను తిరిగి ఇవ్వాలని కోరినందుకు ఓ కుటుంబంపై ఆగ్రహం వ్యక్తం చేసిన అప్పు తీసుకున్నవారు తండ్రీకొడుకులపై దాడికి పాల్పడిన ఘటన బల్లికురవ మండలంలోని కొండాయపాలెం గ్రామంలో చోటుచేసుకుంది.

గ్రామానికి చెందిన తన్నీరు కోటేశ్వరరావు, ఆయన కుమారుడు విజయ గోపికృష్ణ గతంలో అప్పుగా ఇచ్చిన డబ్బులను తిరిగి చెల్లించాలని కోరినట్లు తెలుస్తోంది. ఈ క్రమంలో ఇరువర్గాల మధ్య మాటామాటా పెరిగి వివాదం చోటుచేసుకుంది. దీంతో అప్పు తీసుకున్న కుటుంబానికి చెందిన వారు తండ్రీకొడుకులపై దాడి చేసినట్లు సమాచారం.

ఈ దాడిలో తన్నీరు కోటేశ్వరరావు, విజయ గోపికృష్ణ తీవ్రంగా గాయపడ్డారు. గాయపడిన వారిని చికిత్స నిమిత్తం అద్దంకి ప్రభుత్వ వైద్యశాలకు తరలించగా, ప్రస్తుతం అక్కడ వైద్య సేవలు పొందుతున్నారు. అప్పుగా ఇచ్చిన డబ్బులు తిరిగి అడిగినందుకు దాడికి పాల్పడటంపై గ్రామంలో చర్చనీయాంశంగా మారింది. ఈ ఘటనపై పోలీసులు విచారణ జరిపి బాధ్యులపై చర్యలు తీసుకోవాలని బాధిత కుటుంబ సభ్యులు కోరుతున్నారు.

నరేంద్ర కొణిదెన బల్లికురవ సూర్య రిపోర్టర్