రాష్ట్రస్థాయి అండర్-19 అథ్లెటిక్స్ పోటీలకు ఎంపిక

వెల్దుర్తి (మేజర్ న్యూస్), : ఏలూరు జిల్లా పెదవేగిలో శని, ఆదివారాల్లో (ఈ నెల 14, 15 తేదీల్లో) జరగనున్న రాష్ట్రస్థాయి అండర్-19 అథ్లెటిక్స్ పోటీలకు వెల్దుర్తి డాక్టర్ బీఆర్ అంబేడ్కర్ గురుకుల బాలికల పాఠశాల/కళాశాల విద్యార్థినులు ఎంపికయ్యారు.గురుకులంలో పదో తరగతి చదువుతున్న జి. యశస్విని (400 మీటర్ల పరుగు), ఇంటర్మీడియట్ ప్రథమ సంవత్సరం (బైపీసీ) విద్యార్థిని ఇ. జ్యోత్స్న బాయి (100 మీటర్ల పరుగు) విభాగాల్లో కర్నూలు జిల్లా జట్టు తరఫున రాష్ట్రస్థాయి పోటీల్లో తలపడనున్నారు. వీరు జిల్లా జట్టుతో కలిసి ఏలూరు జిల్లాకు బయలుదేరి వెళ్లారు.  రాష్ట్రస్థాయి పోటీలకు ఎంపికైన క్రీడాకారిణులను గురుకుల ప్రిన్సిపల్, వ్యాయామ ఉపాధ్యాయులు (పీఈటీ) మరియు అధ్యాపక బృందం అభినందించారు. పోటీల్లో ప్రతిభ కనబరిచి పతకాలు సాధించి పాఠశాలకు, జిల్లాకు పేరు తీసుకురావాలని ఆకాంక్షించారు.