అనర్హత కలిగిన సోదరుడికి పెన్షన్ ఇవ్వద్దు అంటూ ఫిర్యాదు

పెంటపాడు, మేజర్ న్యూస్; అనర్హత కలిగిన వ్యక్తికి పెన్షన్ శాoక్షన్ చెయ్యవద్దని వచ్చిన ఫిర్యాదు పై విచారణ నిర్వహించిన పెంటపాడు ఎంపీడీవో సదరు దరఖాస్తుని తిరస్కరించినట్లు తెలియజేశారు. పెంటపాడు గ్రామానికి చెందిన పడాల సత్యనారాయణరెడ్డి అనే వ్యక్తికి కోట్ల రూపాయల ఆస్తి కలిగి ఉండి షాపింగ్ కాంప్లెక్స్ పై నెలకు లక్షల్లో ఆదాయం కలిగి ఉన్నాడని, ఏపీ 16 జి 4640 అనే లగ్జరీ కారు ఉందని, అతనికి కరెంటు మీటర్లు రీడింగ్ కూడా ఎక్కువగానే ఉందని వాటన్నిటిని దాచి తప్పుడు పద్ధతుల్లో పెన్షన్ పొందేందుకు ప్రయత్నిస్తున్నాడని అతని తమ్ముడు పడాల చిరంజీవి రెడ్డి ఆధారాలతో సహా పెంటపాడు ఎంపీడీవో కి ఫిర్యాదు చేశారు. దీనిపై విచారణ నిర్వహించిన సదరు అధికారి పడాల సత్యనారాయణ రెడ్డి దరఖాస్తును తిరస్కరించినట్లుగా తెలియజేశారు.

 రిపోర్టర్ శ్రీనివాస్ తాడేపల్లిగూడెం పశ్చిమగోదావరి జిల్లా