అంగన్వాడీ కార్యకర్తలకు బీజేపీ మహిళా మోర్చా సన్మానం
కడియం, మేజర్ న్యూస్,ప్రధాని నరేంద్ర మోదీ పిలుపు మేరకు, ‘సేవా కే 25 వర్ష్‌’ కార్యక్రమంలో భాగంగా మండల కేంద్రం కడియం గిరిజాల కళ్యాణమండపంలో అంగన్వాడీ కార్యకర్తలను బీజేపీ మహిళా మోర్చా నాయకులు ఘనంగా సన్మానించారు.
ఈ సందర్భంగా కాకినాడ జిల్లా బీజేపీ ఇన్‌ఛార్జి ఆకుల శ్రీధర్‌ మాట్లాడుతూ.. గ్రామీణ ప్రాంతాల్లో పేద పిల్లలు, గర్భిణులు, బాలింతలకు అంగన్వాడీ కార్యకర్తలు అందిస్తున్న సేవలు అభినందనీయమన్నారు. తల్లిలా ఆదరిస్తూ నిస్వార్థంగా సేవలందిస్తున్న వారి కృషిని గుర్తించి సత్కరించడం సంతోషంగా ఉందన్నారు. మోదీ 25 ఏళ్ల సేవా ప్రస్థానం స్ఫూర్తిదాయకమని పేర్కొన్నారు.
సన్మానం పొందిన అంగన్వాడీ కార్యకర్తలు బీజేపీ నాయకులకు కృతజ్ఞతలు తెలిపారు.
ఈ కార్యక్రమంలో మండల అధ్యక్షుడు బొరుసు సుబ్రమణ్యం, మండల ఇన్‌ఛార్జి తనుబుద్ధి సూర్యభాస్కర్‌, నాగులపల్లి వీరబాబు, చిక్కాల శ్రీను, దాసరి ముత్యం, ఓబీసీ మోర్చా మండల అధ్యక్షుడు తాళాబత్తుల భవానీ భాస్కర్‌, బొప్పన లోవరాజు, కొత్తపల్లి శివ, ఉప్పు నాగేంద్ర, యర్రా సింహాచలం, యర్రంశెట్టి సాయి, చప్పిడి ప్రసాద్‌, గారపాటి తాతబ్బాయి, పళ్ల లలిత, కోటిపల్లి స్రవంతి, గొర్రెల రామలక్ష్మి, మేకా వీరమణి, చిట్టూరి రాణి తదితరులు పాల్గొన్నారు.
